पोखरा । वाई सर्भिस क्लब अफ पोखराको आयोजना तथा हिमालय आँखा अस्पताल पोखराको प्राविधिक सहयोगमा शनिबार सम्पन्न आँखा शिविरमा १८० जना लाभान्वित भएका छन् ।
मोदी गाउँपालिका वडा नं। १ कार्यालयको स्थानिय व्यवस्थापनमा मोदी गाउँपालिका वडा नं। १ मा रहेको भुकताङ्ले स्वास्थ्य चौकीमा आयोजना गरिएको निःशुल्क आँखा शिविरमा चस्मा तथा औषधि समेत निशुल्क वितरण गरिएको थियो ।
कार्यक्रमका प्रमुख अतिथि मोदी १ पर्वतका वडा अध्यक्ष टेकबहादुर गुरुङले वडाले हरेक वर्ष विभिन्न संघ संस्थाहरु संग मिलेर स्वास्थ्य शिविर संचालन गर्दै आएको वताउँदै ग्रामिण भेगका विकत वस्तीमा वसोबास गर्ने नागरिकलाई स्वास्थ्य सेवा गाउँ मै आएर दिएकोमा क्लब तथा अन्य संस्थाहरुलाई धन्यवाद दिर्दै आगामि दिनहरुमा पनि सहयोगको अपेक्षा गरेका थिए ।
कार्यक्रममा वाइज मेन इन्टरनेशलन नेपाल डिस्ट्रिक्टका गर्भनर अरुण रानाभाटले वाइ सर्भिस क्लब अन्तराष्टिय स्तरको सामाजिक सेवा गर्दै आएको संस्था भएको र नेपालमा पनि केहि समय देखि सक्रिय रहेको वताउँदै क्लबले गरेका सामाजिक कार्यहरुको वारेमा वोलेका थिए ।
सो अवसरमा मोदी गापा वडा नंं १ कार्यालय, भुकताङ्ले स्वास्थ्य चौकी, हिमालयन आँखा अस्पताल, ग्लोबल आइएमइ बैंक, सानिमा जिआईसि इन्स्योरेन्स, दर्शन फाउण्डेसन, खोज मिडिया, लौसीबोट सामुदायिक होम स्टे र दरबारथोक एड्भरटाईजिङ एजेन्सीलाई कार्यक्रम सम्पन्न गर्न महत्वपूर्ण सहयोग गरि पु¥याएको योगदानको कदर गर्दै मायाको चिनो प्रदान गरिएको थियो ।
प्राविधिक सहयोग उपलब्ध गराएको हिमालय आँखा अस्पतालका कर्मचारी शालिकराम भण्डारीले हिमालय आँखा अस्पतालले विकट गाउँमा वसोबास गर्ने नागरिक लक्षित कार्यक्रमहरुलाई सहयोग गर्दै आएको वताएका थिए ।
क्लबका अध्यक्ष पुनम गुरुङको अध्यक्षतामा भएको कार्यक्रमको संचालन कार्यक्रम संयोजक तथा रिजनल सर्भिस डाइरेक्टर कृष्ण रानाभाटले गरेका थिए ।
