पोखरा, चैत १ गते
वैदेशीक रोजगारमा गएका अधिकांश युवाहरुमा निसन्तानको समस्या रहेको एक अनुसन्धानले देखाएको छ ।
करिब ४६ प्रतिशत युवाहरुमा यो समस्या रहेको र विशेष गरी खाडी मुलुकमा रहेका युवाहरुमा त्यस्तो समस्या आएको मेडिकल क्षेत्रका विज्ञहरुको भनाई छ ।
त्यसैगरी कुल प्रजनन दर भएका दम्पती मध्ये नेपालमा अन्दाजी १५ प्रतिशत निसन्तानपनको समस्या रहेको पाइएको छ । यसको प्रतिशत बढन सक्ने सम्भावना दिनप्रतिदिन बढ्दो छ । यसको मुख्य कारणमा युवाहरुमा पढाई पूरा गर्ने, भविष्य निर्माण गर्ने र पैसा कमाउने साथै ढिलो बिबाह गर्ने रहेको छ, जसले गर्दा युवामा प्रजनन क्षमतामा कमी आई सकेको हुन्छ ।
पोखरामा दश बर्ष अगाडि स्थापना भएको सहारा अन्तराष्ट्रिय फर्टीलिटी सेन्टरको उपचारमा आएका युवाहरुमा सो समस्या देखा परेको जानकारी दिएको छ ।
निसन्तान दम्पतीहरुका लागि संचालित यस सेन्टरले ४६ प्रतिशत युवाहरुका लागि सम्बन्धित सरोकार निकायबाट सचेतनामुलक कार्यक्रम गर्नुपर्नेमा जोड दिदै आएको छ ।
यही समस्या सम्बोधनसँगै फर्टीलिटी सेन्टरले शनिबार पोखरामा आफ्नो दशौँ बार्षिकोत्सव भव्यताका साथ मनाउने जमार्को गरेको छ ।
निसन्तान दम्पतीहरुका लागि प्राकृतिक, कृतिम गर्भाधान र टेप्टयूब बेबी तरिकाबाट ३५ सय जोडीले सेवा लिएको सेन्टरका अध्यक्ष एवं वरिष्ठ स्त्री तथा प्रजनन रोग विशेषज्ञ डा। गिरीधारी शर्माले बताउनुभयो । जसबाट अन्दाजी एक हजार सन्तान प्राप्ति भएको अनुसन्धानबाट देखाएको उहाँले बताउनुभयो ।
सेन्टरले वार्षिकोत्सवको अवसरमा चैत ५ गतेसम्म बाँझोपन भएका जोडीहरुलाई बिशेष छुट र सेवाहरु उपलब्ध गराएको छ । जसमा निशुल्क ओपीडी तथा परामर्श सेवा, निशुल्क भिडियो एक्स–रे, आईभिएफ प्याकेजमा विशेष छुट सहित विभिन्न सेवाहरु प्रदान गरिरहेको डा। शर्माले बताउनुभयो ।
हाल पोखरामा ४ वटा यस्ता फर्टीलिटी सेन्टर संचालनमा छन् भने २ वटा अरु सन्चालनमा आउने क्रममा रहेको साहारा इन्टरनेशनल फर्टीलिटी सेन्टरका संचालक एवं निसन्तानपन विज्ञ डा। गिरीधारी शर्माले जानकारी दिनुभयो । उहाँले नेपालमा यस्ता सेन्टर पचास भन्दा बढी सन्चालनमा रहेको भन्दै भारतमा बिस हजार भन्दा बढी यस्ता सेन्टरहरु रहेको उल्लेख गर्नुभयो ।