मेजर लक्ष्मी प्रसाद, हुम कुमारी गुरुङ एमभिओ बिईएन टु जिआर पत्रकारीता पुरस्कार अक्षकोष स्थापना नेपाल आदिवासी जनजाती महासंघ (फोनिज शाखा)को सयोजनमा मेजर लक्ष्मी प्रसाद गुरुङ, हुम कुमारी गुरुङ एमभिओ बिईएन टु जिआर पत्रकारीता पुरस्कार अक्षकोष स्थापना गरिएको छ ।
अक्षकोषका लागि समाज सेवी मेजर लक्ष्मी प्रसाद गुरुङले विहीबार एक कार्यक्रम वीच महासंघका कोषाध्यक्ष बस बहादुर शेर्पा (बसन्त) अध्यक्ष विना कुमारी थापा र उपाध्यक्ष सुशिल श्रेष्ठलाई एक लाख एक हजार एक सय पन्ध्र रुपैयाँ हस्तान्तरण गर्नुभएको हो । व्यावसायिक पत्रकारलाई हौसला दिने उद्देश्यले अक्षयकोष स्थापना गरिएको गुरुङले बताउनुभयो । उक्त रकमको व्याजले गुरुङको बैबाहिक वर्षगाठको अवसरमा बार्षिक रुपमा व्यावसायिक एक पत्रकारलाई सम्मान गरिइने महासंघका अध्यक्ष विना कुमारी थापाले जानकारी दिनुभयो ।
द गोर्खाज बचत तथा ऋण सहकारीका अध्यक्ष मेजर गुरुङ, गल्फ संघ कास्की र गोर्खा कम्युनिटी कास्की नेपालका संस्थापक अध्यक्ष तथा युके तमु धिको प्रतिनिधी लगायत विभिन्न संघसंस्थामा आवद्ध हुनुहुन्छ । साथै, १८ वर्ष देखि गोर्खा अभियान र सामाजिक काममा सक्रिय रुपमा लाग्दै आउनुभएको छ ।
गुरुङले हाल सम्म विभिन्न संघसंस्थामा ८२ लाख रुपैयाँ सहयोग गरि सक्नुभएको छ, उहाँले बृतिस र बुर्नाईमा ४२ वर्ष काम गर्नुभएको थियो ।
