युरोपियन क्लब फुटबलको सबैभन्दा प्रतिष्ठित प्रतियोगिता युरोपियन च्याम्पियन्स लिगको फाइनलमा यसपटक इंग्लिस क्लब आर्सनल र फ्रेन्च च्याम्पियन पेरिस सेन्ट जर्मेन आमनेसामने हुने भएका छन्। दुवै टोलीले उत्कृष्ट प्रदर्शन गर्दै फाइनल यात्रा तय गरेका हुन्।
आर्सनलले सेमिफाइनलमा एट्लेटिको म्याड्रिडलाई समग्रमा २–१ ले हराउँदै २० वर्षपछि पहिलो पटक च्याम्पियन्स लिग फाइनलमा स्थान बनाएको हो। यसअघि आर्सनल सन् २००६ मा फाइनल पुगेको थियो, जहाँ बार्सिलोनासँग २–१ ले पराजित भएको थियो। अहिले टोलीलाई प्रशिक्षक मिकेल आर्टेटाले नेतृत्व गरिरहेका छन् र उनको प्रशिक्षणमा क्लबले ऐतिहासिक पुनरागमन गरेको छ।
आर्सनलको यो इतिहासकै दोस्रो च्याम्पियन्स लिग फाइनल हो। क्लब अहिले आफ्नो पहिलो युरोपियन च्याम्पियन्स लिग उपाधिको खोजीमा रहेको छ। युवा स्टार बुकायो साका लगायतका खेलाडीको उत्कृष्ट प्रदर्शनले टोलीलाई फाइनलसम्म पुर्याएको हो।
यता पिएस जी भने लगातार दोस्रो पटक च्याम्पियन्स लिग फाइनलमा पुगेको छ। प्रशिक्षक लुइस एनरिकेको नेतृत्वमा रहेको टोलीले सेमिफाइनलमा बायर्न म्युनिखलाई हराउँदै फाइनल यात्रा तय गरेको हो। गत सिजन इन्टर मिलानलाई ५–० ले पराजित गर्दै पहिलो पटक च्याम्पियन्स लिग उपाधि जितेको एक्न् अहिले लगातार दोस्रो युरोपियन ताज जित्ने लक्ष्यमा छ।
लुइस एनरिकेको आगमनपछि एक्न् ले टोलीगत खेल, अनुशासन र आक्रामक रणनीतिमा ठूलो सुधार गरेको छ। उस्मान डेम्बेले, हाकिमी र मारक्विन्होस जस्ता खेलाडीको प्रदर्शन टोलीको मुख्य बल बनेको छ।
फाइनलमा एकातर्फ २० वर्षको प्रतीक्षा अन्त्य गर्न चाहने आर्सनल हुनेछ भने अर्कोतर्फ आफ्नो प्रभुत्व कायम राख्दै लगातार दोस्रो उपाधि जित्न चाहने हुनेछ। फुटबल समर्थकहरूका लागि यो फाइनल सिजनकै सबैभन्दा रोमाञ्चक भिडन्तमध्ये एक मानिएको छ।
