अविरल वर्षाका कारण पहिरो र बाढीको जोखिम बढेपछि नेपाल सरकारले असोज १९ र २० गते सार्वजनिक बिदा घोषणा गरेको छ । सार्वजनिक सवारी साधन चलेका छैनन् ।
यतिबेला पोखरा र आसपासका क्षेत्रमा रहेका वा भ्रमणमा आएर अलपत्र परेका पर्यटकहरुलाई लक्षित गरी होटल संघ पोखरा नेपालले निःशुल्क खाना र बासको व्यवस्था गर्ने घोषणा गरेको हो ।
होटल संघले विपद्को अवस्थामा कोही पर्यटक अलपत्र परेमा वा विचल्लीमा परेमा उनीहरुलाई तत्काल उद्धार गरी सुरक्षित स्थानमा पुर्याउनुको साथै खाना र बासको व्यवस्था गर्ने अध्यक्ष लक्ष्मण सुवेदीले जानकारी दिए ।
यस्तै, पोखरा भ्रमणमा आउने पर्यटकहरुलाई प्रचलित दररेटमा २५ प्रतिशत छुट दिने घोषणा पनि गरेको छ । संकटको घडीमा पर्यटकहरुको सुरक्षा र सुविधालाई सर्वोपरी मानेर व्यवहार गर्न व्यवसायीसँग अपिल गरेको छ ।
