नेपालीहरुको महान चाड बिजया दशमी नजिकिदै गर्दा पोखरामा दिउसै दुईवटा एटिएम मेशिन फोडेर नगद चोरी गर्ने प्रयास भएको छ।
पोखरा ९ नयाँबजारस्थित कृषि विकास बैक र लेकसाइडस्थित एन.एम.बि. बैकको एटिएम मेशिन तोडफोड गरेर नगद चोरी गर्ने प्रयास भएको हो।
जिल्ला प्रहरी कार्यालय कास्कीका अनुसार, ३ गते दिउँसो १६.१५ बजे कृषि विकास बैकको एटिएम मेशिन तोडफोड गरेर नगद चोरी गरिरहेको अवसथामा वडा प्रहरी कार्यालय बैदामबाट गएको प्रहरी टोलीले पोखरा १६ बस्ने वर्ष २२ को सन्दिप बस्नेतलाई घटनास्थलबाट र सोही ठाउँको वर्ष १९ को अनिस राना मगरलाई भाग्दै गरेको अवस्थामा पक्राउ गरेको बताइएको छ।
त्यस्तै ४ गते बिहान दुई बजे लेकसाईड स्थितमा रहेको एन.एम.बि.बैकको एटिएम मेशिन खुकुरी प्रयोग गरी तोडफोड गरी नगद रुपैयाँ चोरी गर्न लागेको अवस्थामा धादिङको त्रिपुरा सुन्दरी गाउपालिका घर भई हाल पोखरा ८ बस्ने वर्ष २५ को मनोज कुमाललाई बैदाम प्रहरीले पक्राउ गरेको प्राप्त ससाचारमा जनाइएको छ।
पक्राउ परेका तीनै जनाविरुद्ध कास्की जिल्ला अदालत कास्कीबाट चोरी उद्योग मुद्दामा सात दिनको म्याद
थप अनुमति लिई थप अनुसन्धान भइरहेको जिल्ला प्रहरी कार्यालय कास्कीले जनाएको छ ।
