पोखराका पर्यटन व्यवसायीलाई ‘THE FIRE GANG’ नामको ह्वाट्सएप नम्बरबाट जनधनको क्षति पुर्याउने, अपहरण गर्ने तथा दुर्घटना गराउने भन्दै धम्क्याएर रकम मागेको आरोपमा प्रहरीले दुई जनालाई पक्राउ गरेको छ।
पक्राउ पर्नेमा धनकुटाका ३६ वर्षीय प्रेम थापा र सुनसरी इटहरीका २९ वर्षीय पंकज खड्का रहेका छन्। उनीहरूलाई पोखरा–६ डिगोपाटनबाट नियन्त्रणमा लिइएको कास्की प्रहरीले जनाएको छ।
घटनाबारे जिल्ला प्रहरी कार्यालय कास्की, नेपाल प्रहरी प्रदेश कार्यालय पोखरा र वडा प्रहरी कार्यालय बैदामको संयुक्त टोलीले अनुसन्धान गरिरहेको छ।
