सत्तारुढ दल नेपाली कांग्रेसभित्र प्रधानमन्त्री को बन्ने भन्ने बारेमा बिबाद चलिरहेका बेला माओवादी केन्द्रका अध्यक्ष प्रचण्ड र नेपाली कांग्रेसका सभापति एबम प्रधानमन्त्री बीच पालैपालो प्रधानमन्त्री बनेर काम गर्ने सहमति भएको खबरहरु सार्वजनिक भएका छन्। पार्टीभित्रै प्रधानमन्त्रीको टुंगो नलागिसकेको अवस्थामा देउबा र प्रचण्ड बीच पालैपालो प्रधानमन्त्री बन्ने सहमति भए पनि पहिला को प्रधानमन्त्री बन्ने बिबादले टुंगो नलागेको समाचारस्रोतहरुले बताएका छन्।
प्रधानमन्त्री बन्नका लागि नेपाली कांग्रेसभित्र संसदीय दलको नेता हुने पर्ने संबैधानिक ब्यबस्था अनुसार, बरिष्ठ नेता रामचन्द्र पौडेल र महामन्त्री गगन थापाले आफ्नो दौडधुप गरिरहेका छन् भने पार्टी सभापति एबम वर्तमान प्रधानमन्त्री शेर बहादुर देउबा आफ्ना ज्योतिषीले गरेको भबिस्यवाणी वमोजिम पाँचौ पटक देशको प्रधानमन्त्री बन्न लागि परेका छन्। उनले चुनाव अघि नै नेकपा माओवादी केन्द्रका अध्यक्ष प्रचण्डसंग पालैपालो सहमति गरिसकेको समाचारस्रोतहरु बताउछन।
चुनाब अघि नै नेपाली कांग्रेस र नेपाल कम्युनिस्ट पार्टी ९माओवादी केन्द्र० ले सरकारको नेतृत्व ९प्रधानमन्त्री० साढे दुई(दुई वर्ष पाउने गरी सहमति भएको बताइएको छ । प्रधानमन्त्री आलोपालो गर्ने सहमति भए पनि पहिले प्रधानमन्त्री को हुने भन्नेमा दुवै पार्टीबीच सहमति जुट्न सकेको छैन । प्रधानमन्त्री एवं कांग्रेस सभापति शेरबहादुर देउवा र माओवादी केन्द्रका अध्यक्ष पुष्पकमल दाहाल ‘प्रचण्ड’काबीचमा साढे दुई–दुई वर्ष सरकारको नेतृत्व गर्ने सहमति भइसकेको स्रोतको दाबी छ । तर, दुवै नेताले पहिला आफैं प्रधानमन्त्री हुनपाउनुपर्ने अडान राख्न थालेपछि समस्या भएको बताइएको छ ।
राष्ट्रपति, उपराष्ट्रपति, प्रधानमन्त्री, सभामुख, उपसभामुख, प्रदेश प्रमुख, मुख्यमन्त्री, प्रदेशको सभामुख र उपसभामुुुखसहितका मुख्य पदमा भागबन्डा गरेर अगाडि बढ्नेमा कांग्रेस सभापति देउवा, माओवादी केन्द्रका अध्यक्ष प्रचण्डसहित नेकपा ९एकीकृत समाजवादी० का अध्यक्ष माधवकुमार नेपाल सहमत छन् ।
प्रतिनिधिसभा र प्रदेशसभा निर्वाचनको आन्तरिक समीक्षा एवं सरकार गठनको आन्तरिक गृहकार्यमा जुटेका राजनीतिक दलका नेताले निर्वाचनको परिणाम पूर्ण रूपमा आइसकेपछि सरकार प्रमुख पदमा भागबन्डा गरेर टुंगो लगाउने सहमति गरेको स्रोतको दाबी छ । आजको राजधानी दैनिकबाट
