दाङको एक होटलमा अर्कैको श्रीमतीसँग रात बिताएको भेटिए पछि बिगत १३ दिनदेखि दाङ प्रहरीको हिरासतमा थुनिएका छन्। सुनवल दङ्गामा कार्यरत प्रहरी जवान रामबहादुर कार्की बिगत १३ दिनदेखि जिल्ला प्रहरी कार्यालय दाङको हिरासतमा थुनिएका हुन्।
सल्यान माइत जान भनेर घरबाट हिँडेकी दाङकि एकमहिलाले उनीबिरुद्ध जबरजस्ती करणी मुद्दा दर्ता गरेपछि उनलाई प्रहरीले पक्राउ गरेर जबरजस्तीकरणी मुद्दा दर्ता गरेको जनाइएको छ ।
प्राप्त घटना विवरण अनुसार, सल्यान माइत जान भनेर घरबाट हिँडेकी महिला समयमै माइत नपुगेपछि महिलाका श्रीमानले खोजी गर्दै आएका थिए । तर श्रीमती घर फर्केपछि महिलाका श्रीमानले माइत समयमा नगएको बारेमा सोधखोज गरे। त्यही क्रममा श्रीमान(श्रीमतीबीच झगडा भए पछि श्रीमान र श्रीमती मिलि जिप्रका आएर कार्कीविरुद्ध बलात्कारमा जाहेरी दिएका थिए ।
जिल्ला प्रहरी कार्यालय दाङका प्रवक्ता डीएसपी राजन गौतमले प्रहरी जवान कार्की र ती महिलाबीच सम्बन्ध रहँदै आएको र होटलको रजिष्ट्रेशनमा पनि श्रीमान र श्रीमतीकोरुपमा पनि देखिएको जानकारी दिए । उनले कार्कीलाई १३ दिनदेखि प्रहरी हिरासतमा राखेर घटनामा अनुसन्धान भइरहेको बताए ।
