पाँचौं संस्करणको सृजना कप भलिवल प्रतियोगिता २०७९ आउँदो फागुन १६ देखि पोखरामा हुने भएको छ । पोखराको सृजना विकासकेन्द्र र कास्की जिल्ला भलिवल संघको आयोजनामा कास्की जिल्ला सामुदायिक विद्यालय स्तरीय छात्र÷छात्रा भलिबल प्रतियोगिताआउँदो फागुन १६ गतेदेखि १९ गतेसम्म पोखरा रगंशालामा हुने भएको हो ।

राष्ट्रिय खेल भलिवलको लोकप्रियता बढाउदै बिद्यालयमा खेलको जग  बलियो बनाई जिल्ला प्रदेश, राष्ट्रिय तथा अन्तराष्ट्रियखेलाडी उत्पादन गर्ने उद्धेश्यले प्रतियोगिता आयोजना गर्न लागिएको केन्द्रका अध्यक्ष कृष्ण थापाले बताए । स्वास्थ्यको लागि खेलकुद, राष्ट्रका लागि खेलकुद भन्ने मूल नारा र स्कुल स्कुलमा भलिवल खेल पुर्याउने लक्ष्य सहित उक्त प्रतियोगिता गरिएको प्रतियोगिताकासहसंयोजक लेखनाथ लम्सालले बताए ।

प्रतियोगितामा ५० बिद्यालयको सहभागिता हुने अपेक्षा गरिएको छ भने कक्षा १२ सम्मका कास्की जिल्ला भित्रका सामुदायिक विद्यालयविद्यार्थीहरु सहभागि हुन पाउने भएका छन्।

प्रतियोगितामा विजेता हुने छात्र तथा छात्रा दुबै टोलीलाई जनही १ लाख उपविजेतालाई ६० हजार र तृतीय हुने विद्यालयलाई ३५ हजाररुपैया, शिल्ड, मेडल र प्रमाणपत्र प्रदान गरिने भएको कास्की जिल्ला भलिवल संघ कास्कीका अध्यक्ष बिष्णु बहादुर गुरुङले बताए ।प्रतियोगितामा उत्कृष्ट छात्र तथा छात्रा हुने खेलाडीलाई जनही ५ हजारको साथमा ट्रफी वितरण गरिने भएको छ । अन्य विधामा उत्कृष्टब्लकर, उत्कृष्ट डिफेन्डर, उत्कृष्ट स्पाईकर, उत्कृष्ट सेटर र उत्कृष्ट सर्भरलाई जनही १ थान भलिबल प्रदान गरिने भएको छ भने उत्कृष्टप्रशिक्षकलाई ५ हजार नगद प्रदान गरिने भएको छ ।

प्रतियोगिता सम्पन्न गर्न करीब ११ लाख खर्च लाग्ने अनुमान गरिएको छ भने ४ दिन चल्ने प्रतियोगिताबाट १२ लाख ५० हजार आम्दानीगरी १ लाख ५० हजार रुपैया बचत गर्ने लक्ष्य रहेको संयोजक मिन प्रसाद भट्टराईले बताए । बचत रकम भलिबल खेलकै विकास रविस्तारका लागि कोष खडा गरी जम्म गरिने र सृजना विकास केन्द्र द्वारा सञ्चालित बालगृहलाई समेत सहयोग गरिने भएको उनले बताए। २०३७ सालमा स्थापना भएको केन्द्रले स्थापना कालदेखि महिला, बालबालिका, शिक्षा, स्वास्थ्य, वातावरण, खेलकुद, स्थानियसरकारसंग साझेदारी कार्यक्रम सहितका कार्यक्रम गरिएको प्रतियोगिताका प्रचार संयोजक तथा केन्द्रका निवर्तमान अध्यक्ष इन्द्रपौडेलले बताए ।