चेत बहादुर थापामगर प्रविन
पोखरा, २९ माघ पुन एकता क्लबको आयोजनामा हुने आठौं नदिपुर भलिवल प्रतियोगिता फागुन ९ देखि १३ गतेसम्म नदीपुरमा आयोजना हुने भएको छ । महाशिवरात्रि पर्ब तथा स्व। मेजर चन्द्रबहादुर पहरे पुनको स्मृतिमा भलिवल प्रतियोगिता आयोजना हुन लागेको आइतबार पोखरामा आयोजित पत्रकार सम्मेनल मार्फत जानकारी दिइएको हो । खुला भलिवल प्रतियोगितामा पुरुष, महिला तथा प्रौढको खेल हुने भएको छ । प्रतियोगिताको बिजेताले रु १ लाख ५ हजार, दोस्रोले ७० हजार त्यस्तै महिला तर्फ प्रथम हुनेले रु ५० हजार र दोस्रोले ३० हजार त्यस्तै प्रौढ तर्फ प्रथम हुनेले रु ३० हजार दोस्रो हुनेले २० हजारको साथमा शिल्ड, मेडल र प्रमाण प्राप्त गर्नेछन्। प्रतियोगितामा महिला, पुरुष एक–एक जनालाई सर्वौत्कृष्ट घोषण गरि बिशेष पुरस्कार समेत प्रदान गरिने छ । खेल कर्पाकेली समाज भवन नदिपुर ३ पोखराको खेल मैदानमा हुनेछ । खेल सञ्चालन गर्नको लागि बिभिन्न निमहरु समेत बनाइएको छ । खेल नकआउटको आधारमा खेलाइने छ । राष्ट्रिय खेलकुदमा खेलेका खेलाडिहरुलाई मात्र आधिकारीक रुपमा क्षेत्रीय खेलाडि मानिने उल्लेख छ । प्रौढको हकमा उमेर ४० बर्ष पुरा भएको हुनु पर्ने रेफ्रि संयोजक राम पुनले बताए ।
