पोखरा, ०६ वैशाख ।
रेडियो जननी ९०.६ मेगाहर्जले आयोजना गरेको टिकटक मार्फत कविता
प्रतियोगितामा पोखरा विरौटाका सुवाश लामिछाने प्रथम भएका छन् । पहिलो
आवाज उद्यमशिलताको लागि, दोस्रो आवाज स्वतन्त्राको लागि र तेस्रो आवाज
समानताको लागि भन्ने मुल उद्घोषका साथ सञ्चालित रेडियोले टिकटक
मार्फत आमा विषयमा आयोजना गरेको कविता प्रतियोगितामा लामिछाने प्रथम
भएका हुन् ।
माता तिर्थऔँसीको अवसरमा “मातातिर्थ औँसीको महत्व” विषयको
रेडियोमा आयोजित परिचर्चा कार्यक्रममा प्रतियोगिहरुलाई पुरस्कार वितरण
गरिईएको हो । प्रतियोगितामा रमेश सार्थक द्धितिय, मनिषा लामिछाने तृतीय
र आयान अभिरल घिमिरे सान्वत्वना भएका छन् । उनीहरुले क्रमश ः १५
हजार, १० हजार, ५ हजार र ३ हजार नगद पुरस्कार प्राप्त गरेका छन् । विजयी
प्रतियोगिहरुलाई कार्यक्रमका प्रमुख अतिथि गण्डकी प्रज्ञा प्रतिष्ठानका
कुलपती सुर्य खड्का विखर्चीले पुरस्कार र प्रमाणपत्र वितरण गर्नुभएको
थियो ।
कार्यक्तममा बोल्दै विखर्चीले महिलाहरुलाई कहिले भेदभाव नगरी
अगाडी बढ्न प्रेरणा प्रदान गर्नुपर्नेमा जोड दिनुभयो । कार्यक्रमका
विशेष अतिथि पोखरा प्रतिष्ठानका कुलपती पद्मराज ढकालले आमाको महत्वको
विषयमा भनाई राख्नुभएको थियो ।
कार्यक्रममा रेडियोका अध्यक्ष हिरा भट्टराईले आमालाई स्वर्गारोहण
भएपछि भन्दा जिवित हुदै सम्मान व्यक्त गर्नुपर्नेमा जोड दिनुभयो ।
भट्टराईले आमाको सम्मानमा रेडियोले स्थापना गरेको आमा
अक्षयकोषमा सहयोगी मनहरुवाट सहयोग आउने क्रम जारी रहेकोले
सहयोग गर्ने मनहरुलाई धन्यवाद व्यक्त गर्नुभयो ।
कार्यक्रममा साहित्यकारहरु सरस्वती श्रेष्ठ ( सरु ), गौरी तमु र असफल
गौतमले निर्णायको भूमिका निर्वाह गर्नुभएको थियो । प्रतियोगिताको
पुरस्कार माल्टा बाट विष्णु रानामगर, कुन्ती मल पोखरा र
इन्फोम्याटिक्स इन्ष्टीच्युटका प्रबन्ध निर्देशक प्रदिप थापाले
प्रायोजन गरेका थिए ।
कार्यक्रममा गण्डकी प्रज्ञा प्रतिष्ठानका सदस्य सचिव मनकुमार श्रेष्ठ, कोपिला
नेपालका कार्यकारी निर्देशक विना सिलवाल, मुक्तक मञ्च पोखराका अध्यक्ष
विवेक भण्डारी लगायतले बोल्नुभएको थियो । कार्यक्रममा रेडियोका
सल्लाहकार दुर्गा शाह बाबाको पनि सहभागीता रहेको थियो ।
रेडियोका अध्यक्ष हिरा भट्टराईको अध्यक्षतामा भएको कार्यक्रमको
सञ्चालन रेडियो कार्यक्रम संयोजक सबु पाठकले गर्नुभएको थियो ।
