आगामी भदौमा हुने यु–१६ साफ च्याम्पियनसिपको लगि देशभर जिल्ला तथा प्रदेश छनोट सुरु भएको छ
गण्डकी प्रदेशमा रहेको ११ जिल्लाबाट छनौट भई आएको र प्रदेश मा छनौट गर्नु परेको अवस्थामा कास्की जिल्लामा सवै सहभागीता लाई पोखरा रंगशालामा आज र भोली छनौट प्रक्रिया हुने तर कास्की
फुटबलसंघले सहभागीता नहुने भएको छ । गण्डकी फुटबल संघ र कास्की फुटबलसंघको व्याक्तीगत इगोको कारण कास्कीबाट सहभागी खेलाडीहरु अन्योलमा छ । प्रदेशबाट छनौट भएका खेलाडी काठमाडौंमा साउन १६ देखि २० गतेसम्म हुने अन्तिम छनौटमा सहभागि हुनेछन् ।
छनौट कार्यक्रममा गोर्खा, नवलपुर, बागलुङ, मनाङ, पर्वत, तनहुँ, स्याङजा, म्याग्दी र लमजुङका गरी करिव २ सय भन्दा बढि खेलाडीहरु सहभागि भएको संघका महासचिव बिनोद गुरुङले जानकारी दिएका छन् । नेपाली राष्ट्रिय टिमका एसिसटेन्ट प्रशिक्षक किरण श्रेष्ठको अगुवाईमा भएको उक्त कार्यक्रममा प्रशिक्षकहरु प्रल्हाद हिराचन, बेद बहादुर थापा, सुविन श्रेष्ठ, दिलिप थापा र ओम गुरुङ समेतको निरिक्षणमा हुने छ ।
खेलाडी छनौटको लागी गण्डकी फुटबलसंघले सबै जिल्लालाई पत्र पठाएको जानकारी महासचिव विनोद गुरुङले बताए ।
कास्की जिल्ला फुटबल संघले पत्र पाएको तर हामीसंग गण्डकी फुटबल संघले समन्वय नगरेकोले खेलाडीहरुलाई सहभागीता नगराउने कास्की फुटबलसंघका अध्यक्ष उज्वल रन्जितले बताए
गण्डकी प्रदेश फुटबल संघमा कास्की फुटबल संघमा तिनै रन्जित संग हारेका विनोद गुरुङ महानसचिव छन् । आफैसँग हारेको व्यक्तिले भनेको मान्नुपर्ने कारण इगो देखाएको एक पदाधिकारीले बताए ।
