आज साउन महिनाको अन्तिम मंगलबार, गुरुङ (तमु) हरुको महान चाड ट्होंटे पर्व बिशेष गरी गण्डकी क्षेत्रमा बस्ने गुरुङ समुदायले यस पर्वलाई हरेक भब्य रुपमा मनाउने गर्छन।
तमू समुदायको पौराणिक तथा ऐतिहासिक पर्व ट्होंटे पर्व आज पोखरामा भब्य रुपमा विभिन्न कार्यक्रमहरु गर्दै सामूहिक रुपमा मनाइदैछ। यो पर्व वर्षको दुई पटक मनाइने गरिन्छ ।
चैत्र महिनाको अन्तिम मंगलबार र साउन महिनाको अन्तिम मंगलबार उधौली र उभौलीको रुपमा यो पर्वलाइ मनाउने गरिन्छ । गुरुङ समुदायका मानिसहरुले चैत्र महिनामा मनाउने ट्होटेलाइ उभौली र साउनमा मनाउनेलाइ उधौली पर्वको रुपमा मनाउने गर्दछन ।
परापूर्व कालमा गाउमा खेतीपाती राम्रो होस, वैरी सत्रु नाश होस भन्ने कामना सहित गाउमा ट्होटे मनाउने गरिएतापनि पोखरामा भने आफ्नो मौलिक भेषभुषा, भाषा संस्कृतीको संरक्षणका लागी ट्होटे पर्व मनाउदै आएका छन् ।
यसैबीच प्राप्त जानकारी अनुसार, ट्होंटे पर्वका अवसरमा आज कास्कीका सबै विद्यालयमा विदा हुने भएको छ । शिक्षा विकास तथा सन्वय इकाई कास्कीले तमु जातिको ट्होंटे पर्वको अवसरमा जिल्लाका सबै विद्यालयहरुमा विदा दिने निर्णय गरेको हो ।
इकाईले सोमबार एक विज्ञप्ती जारी गर्दै मंगलबार तमु जातिको मौलिक परम्परागत साँस्कृतिक पर्व ‘ट्होंटे’ का अवसरमा स्थानिय विदाबाट कट्टी हुनेगरि विदा दिइएको इकाइ प्रमुख उपसचिव लोकनाथ आचार्यले जानकारी दिएका छन् ।
इकाई प्रमुख आचार्यद्वारा हस्ताक्षरित विज्ञप्तीमा, ‘तमु जातिको मौलिक परम्परागत सांस्कृतिक पर्व “ट्होंटे मनाउने सम्बन्धमा यहि २०८० श्रावण ३० गते मंगलवार स्थानीय विदाको व्यवस्थाका लागि तमु धिं नेपालको २०८० र ०४ र२३ च.नं १२ को पत्रबाट अनुरोध भई आएकोले स्थानीय विदाबाट कट्टी हुने गरी बिदा दिने व्यवस्थाका लागि अनुरोध छ ।’ भनिएको छ ।
