चितवन र नवलपुर जोड्ने नारायणी नदीको पुलमा मोटरसाइकल ठोक्किंदा एक युवाको मृत्यु भएको छ। भरतपुरबाट गैंडाकोटतर्फ जाँदै गरेको बागमती प्रदेश ०६–०१ प २९५४ नम्बरको मोटरसाइकल नारायणी पुलको बारमा ठोक्किंदा भरतपुर महानगरपालिका–२८ का २८ वर्षीय नारायण ढकालको मृत्यु भएको इलाका प्रहरी कार्यालय गैँडाकोटले जनाएको छ ।
शनिबार राति साढे ९ बजेको समयमा उक्त मोटरसाइकल अनियन्त्रित भई पुलको साइडको बारमा ठोक्किएको प्रहरीले जानकारी दिएको छ।
दुर्घटनामा परि गम्भिर घाइते भएका ढकालको उपचारको क्रममा चितवन मेडिकल कलेज भर
तपुरमा राति करिब ९ः५१ बजे ज्यान गएको प्रहरी निरीक्षक हस्त बहादुर सुनारले जानकारी दिए ।
