छैटौं बार्षिकोत्सव तथा भेटघाट कार्यक्रम काहूँ धरहरा रिसोर्टमा  शुक्रबार सम्पन्न भएको छ ।

कार्यक्रमको अध्यक्षता पोखरा शाखाका प्रमुख श्री सूर्य ‘सुमन’ थापाले गरेको थियो । कार्यक्रमको प्रमुख अतिथि रिलायबल नेपाल लाइफ इन्स्योरेन्स लि. गण्डकीका प्रदेशका प्रमुख श्री सरोज अधिकारी रहनु रहेका थिए भने विशेष अतिथिमा रामपुर शाखाका प्रमुख श्री ज्ञानु कुँवर, एमडीआरटी तथा करोडपती एजेन्सी श्री मीन बहादुर गुरुङ ,करोडपति एजेन्सी श्री नितु बाँनियाँ बस्नेत , एमडीआरटी श्री याम कुमारी गुरुङ , सिनिएर एजेन्सी श्री लक्ष्मी कुँवर, समाज सेवी श्री बिष्णु प्रसाद तीवारी, जनप्रतिनिधि श्री मन्जु नेपाली तथा सोही रिसोर्टका संचालक श्री देव गुरुङ लगायतका ब्यक्तिहरु हुनुहुन्थ्यो। प्रमुख अतिथी बाट दिप प्रज्ज्वलन गरि औपचारिक रुपमा कार्यक्रम शुरु भए लगत्तै पोखरा शाखामा कार्यरत श्री जयन्ती रिजालले कार्यक्रममा स्वागत मन्तव्य राखेका थिए। 

कार्यक्रममा  ज्ञानु कुँवर, मीन बहादुर गुरुङ (एमडीआरटी २०२४), बिष्णु प्रसाद तिवारी , मन्जु नेपाली लगायतले शुभकामना मन्तव्य राखेका थिए । विभिन्न संघ-संस्थामा कार्यरत उच्च पदस्थ ब्यक्तित्वहरु सहित करिब ७० जनाको उपस्थिति रहेको थियो। आर्थिक बर्ष २०७९/८० को विविध बिधामा उत्कृष्ठ ब्यवसाय गर्न सफल हुनुहुने एमडीआरटी ,करोडपति एजेन्सी , सिनिएर एजेन्सी ,एजेन्सी ,र क्लब सदस्यहरु तथा नव-उदयमान अभिकर्ताहरुलाई आकर्षक अवार्ड तथा दोसल्लाद्वारा सम्मान गरिएको थियो। यस्ता कार्यक्रमहरुले ब्यवसाय प्रबर्द्धनमा उल्लेख्य भुमिका खेल्ने जिकिर गर्दै आगामी दिनमा पनि हौशला बढाउनको लागि कम्पनीले यस्ता कार्यक्रमहरुलाई निरन्तरता दिने कुराको जानकारी प्रदेश प्रमुख श्री सरोज अधिकारीले  दिएका थिए ।

  ३ घण्टासम्म चलेको उक्त कार्यक्रममा मानवीय जीबनमा, जीवन बीमाको महत्वपूर्ण भुमिका रहेको र जीवन बीमा पनि ठूलो मानव सेवाको काम भएकोले जीबनमा यो पूण्य कर्म गर्न ढिला गर्न नहुने समेत बताउदै कार्यक्रमका अध्यक्ष श्री सूर्य सुमन थापाले कार्यक्रमको औपचारिक समापन गरे  भने त कार्यक्रम संचालन आशिष तमु सागरले गरेका थिए ।