१० वटा खेलको लागि १० वटा म्यान अफ दी म्याच ट्रफी, प्रतियोगिताका उत्कृष्ट खेलाडी लगायत उत्कृष्ट स्टाइकर, उत्कृष्ट मिड फिल्डर, उत्कृष्ट डिफेन्स, उत्कृष्ट गोलरक्षक, उत्कृष्ट हाईस्कोरर, अनुशासित टोली, उत्कृष्ट प्रशिक्षकलाई प्रदान गरिने आकर्षक ट्रफी आउने भएको सहारा क्लवले जनाएको छ । सहारा यूकेको सहयोगमा उक्त ट्रफी प्राप्त हुने भएको हो ।
त्यसै गरी विजेता तथा उपविजेता खेलाडीहरुलाई प्रदान गरिने मेडल समेत वेलायतबाट ल्याइने भएको हो । विभिन्न विधामा उत्कृष्ट हुने खेलाडीले प्राप्त गर्ने उक्त ट्रफीको महत्त्व थप बढेको क्लबका अध्यक्ष केशव बहादुर थापाले बताए ।
पोखरामा आउँदो चैत १७ गते देखि १९ औं संस्करणको मोफसलको बहुप्रतिष्ठित राष्ट्रिय तथा अन्तराष्ट्रिय अन्तर क्लब स्तरिय आमन्त्रित आहा१ रारा गोल्ड कप फुटबल प्रतियोगिता २०७७ हुने भएको छ । प्रतियोगिता पोखरा रंगशालामा २०७७ चैत २८ गतेसम्म हुनेछ ।
