मुगु जिल्लाको सदरमुकाम गमगढी बजारमा शुक्रवार मध्यराती करीब १२ बजे भीषण आगलागी हुँदा गमगढी बजारका आठ घर जलेर नष्ट भएका छन्। छायाँनाथ रारा नगरपालिका वडा नं २ मा पर्ने गमगढी बजारको कालीकामालीका मन्दिरको पश्चिमी क्षेत्र तिर आठ घर जलेर नष्ट भएका हुन् ।
जिल्ला प्रहरी कार्यालयको जानकारी अनुसार उक्त आगलागीमा परेर तार्के लामा , सोनाम लामा,जङ्ग बहादुर ऐडी, सान्तोना खत्री, पन्च सेजुवाल, प्रदीप रावल, पुतली शाही पद्मराज मल्लको टिनको टहरा जलेर ध्वस्त भएका छन्। ।
स्थानीय चुम्म बुढाका अनुसार उक्त घरका सटरहरूमा रहेको व्यापारिक मालसामानहरूका साथै घरका अन्य माल सामान गरी करोडौँको क्षति हुन सक्ने अनुमान गरिएको छ ।
आगो नियन्त्रणका लागि नेपाल प्रहरी,सशस्त्र प्रहरी,नेपाली सेना,नगर प्रहरी र स्थानीय बासिन्दाहरू खटिएका छन् । गमगढी खानेपानीको पानी प्रयोग गरी आगो नियन्त्रण गर्ने प्रयास जारी छ ।
आगो के कसरी लाग्यो हो भन्ने कुराको जानकारी प्राप्त हुन सकेको छैन भने क्षतिको यकिन विवरण आउन बाँकिनै रहेको जिल्ला प्रहरी कार्यालयका प्रहरी नायव उपरीक्षक राम बहादुर थापाले जानकारी दिए। डिएसपी थापाले रातिको समयमा आगलागी भए पनि कुनै मानवीय क्षति नभएको र हाल आगलागी नियन्त्रणमा आउने क्रममा रहेको बताए।
