यात्रुहरुको झोला तानेर जबर्जस्ती सवारी साधनमा चढाउन खोज्ने दुई जना युवा पोखराबाट पक्राउ परेका छन् ।
पोखराको पृथ्वीचोकस्थित बसपार्कमा सार्वजनिक सवारी साधन चढ्न आउने यात्रीको झोला तानेर जबरजस्ती गाडीमा चढाउन खोज्ने दुई जना युवा आज पक्राउ परेका हुन्।
प्रहरीले पक्राउ गरेका अभियुक्तहरुमा तनहुँ जिल्लाको ब्यासनगरपालिका वडा नं.१४ स्थायी घर भइ हाल पोखराको पृथ्वीचोक बस्ने वर्ष २४ को मन्जित महरा र रौतहटको गौर नगरपालिका स्थायी घर भइ हाल पोखरा १३ मियापाटन बस्ने वर्ष २४ को अमर शाह रहेको जिल्ला प्रहरी कार्यालय कास्कीले जनाएको छ।
अभियुक्तहरुबिरुद्ध प्रहरीले पृथ्वीचोक बसपार्क स्थित सार्वजनिक सवारी साधनमा चढ्ने बेला सर्वसाधरण यात्रुहरुलाई जबरजस्ती आफ्नो सवारी साधनमा चढाउने तथा निजहरुको ईच्छा विपरीत जबरजस्ती गरी झोला समेत खोसाखोस गरी सार्बसाधरण मानिसहरुलाई दुस्ख हैरानी दिएको आरोप लगाएको छ।
दुवै जना अभियुक्तहरु बिरुद्ध अभद्र व्यवहार सम्बन्धी मुद्दामा थप अनुसन्धान प्रकृया अगाडी बढाईएको जिल्ला प्रहरी कार्यालय कास्कीले जनाएको छ ।
