सहारा क्लब पोखराले वडा दशैँको अवसरमा खेलकुद पत्रकारसँग मैत्रीपूर्ण फुटबल खेलसँगै वडा दशैँको शुभकामना तथा वृक्षारोपण कार्यक्रम सम्पन्न गरेको छ । उक्त कार्यक्रमको औपचारिक समारोहमा बोल्दै पोखरा १७ का वडा अध्यक्ष राधिका कुमारी शाहीले क्लबका लागि जे गर्न आवश्यक छ त्यसमा पहल गर्ने प्रतिबद्धता व्यक्त गरिन् । वडाले सबै काम गर्न नसके पनि वडाले सुरूवात गरिदिने बताइन् । पर्यावरणको लागि वृक्षरोपण आवश्यक भएको बताउदै दोभिल्ला संरक्षण गर्न २० लाख विनियोजन भएको जानकारी गराइन् । स्थानीय सरकारले अन्य सरकारसँग समन्वय गर्दै दोभिल्ला संरक्षण र हरियाली वातावरण बनाउने अभियानमा लाग्ने लाग्ने बताइन् । तिनकुने देखि दोविल्लासम्म विश्व बैंकले केहि योजना बनाउने चासो देखाएका बताइन् । साथै वडाकपका लागि मैदान अभाव हुँदा वडाका युवाहरुले असन्तुष्टि व्यक्त गरेको सुनाउँदै उनले प्रतियोगिताको लागि एकेडेमीको मैदान उपलब्ध गराईदिन समेत आग्रह गरिन् । क्लवका संस्थापक अध्यक्ष वसन्त थकालीले दशैँ पर्वलाई सामाजिक संजालमा समाजलाई विखण्डन गर्न खोजिएकोले यसमा सचेत हुनुपर्नेमा जोड दिए । नेपालीहरु एकताको सुत्रमा बाधिनु पर्ने उनले बताए । नेपाल खेलकुद पत्रकार मञ्च गण्डकीका अध्यक्ष दीननाथ बरालले सहारा एकेडेमी सहित दोविल्ला बचाउनुपर्नेमा जोडदिए । सहारा क्लव हङहङका अध्यक्ष दीपक गुरूङले फुर्सेखोलाले ड्यामा भत्काउन थालेकोले अब चेकड्याम निर्माण गर्नुपर्ने बताए । आजीवन सदस्य विश्वराज बरालले प्रत्येक वडामा खेलकुद मैदान बनाउने अभियान अन्तर्गत एकेडेमीमा थप मर्मत सम्भार गर्न आग्रह गरे । एकेडेमीलाई वडाको खेलकुद गतिविधिमा समेत समेट्न सक्ने आश्य व्यक्त गरे । क्लबका मानार्थ सदस्य महेश गुरूङले सहारा एकेडेमी बचाउन स्थानीय सरकार लाग्नु पर्ने बताए । सल्लाहकार मदन केसीले २५ बर्ष अघि परिकल्पना गरिएको एकेडेमीको स्मरण गर्दै सहारा क्लबले फुटबल मात्र नभई सामाजिक कार्यसमेत गर्दै आएको बताए । सहारा क्लबका अध्यक्ष केशवराज बराल, महासचिव रामजी प्रसाद अधिकारी, संयोजक केशर पौडेल, सदस्य सन्दीप सुवेदी लगायतले शुभकामना व्यक्त गरेका थिए । यस्तै मैत्रीपूर्ण खेलमा सहारा क्लबले नेपाल खेलकुद पत्रकार मञ्च गण्डकीलाई २–१ गोलले हराउन सफल भएको छ ।