जनकपुरबाट एक जना भारतीय किशोरी एक चाइनिज पेस्तोलसहित पक्राउ परेकी छिन्। भारतको बिहार राज्य जिल्ला लख्खी शेराई ग्रामपञ्चायत बडीपोखरी वडा नं.९ बस्ने १६ वर्षीया पूजा कुमारी सहनी पक्राउ परेकी हुन्।
उनलाई रेल्वे सुरक्षा बेस जनकपुरबाट खटिएको सशस्त्र प्रहरी टोलीले जनकपुरधामको रेल्वे स्टेसन नजिक रहेको हनुमान मन्दिरबाट मंगलबार साँझ पोने ८ बजे पक्राउ गरेको प्रहरीले जानकारी दिएको छ ।
विशेष सूचनाको आधारमा चेकजाँच गर्दा उनको साथबाट एक थान कटुवा पेस्तोल, नेपाली ६५ रुपैयाँ, भारतीय फाइभ–जी सिम एक थान र चाँदीको जस्तो देखिने मालाको लकेट एक थानसमेत बरामद भएको सशस्त्र प्रहरी धनुषाले जनाएको छ ।
