कास्कीको अन्नपूर्ण गाउँपालिका ४, भदौरेस्थित थामडाँडामा जीप दुर्घटना भएको छ दुई जनाको मृत्यु भएको छ भने अन्य १० घाईते भएका छन्। पोखराको हरिचोकबाट भदौरे जाँदै गरेको ग.१.ज ५५४७ नम्बरको जीप दिउसो ३ः३० बजे भदौरेस्थित थामडाँडामा दुर्घटनाग्रस्त हुँदा दुई जनाको मृत्यु भएको हो।
उक्त दुर्घटनामा परेर गम्भीर घाइते भएका दुई जनाको उपचारार्थ पोखरा ल्याउदै गर्दा दुई जनाको मृत्यु भएको प्रहरीले जानकारी दिएको छ। दुर्घटनामा घाइते भएका पोखरा महानगरपालिका २३ का ५२ वर्षीय जयराम सुनार र ५५ वर्षीय लक्ष्मण सुनारको मृत्यु भएको प्राप्त समाचारमा जनैएको छ ।
सोही दुर्घटनामा परेर कास्कीको अन्नपूर्ण गाउँपालिका वडा नं। ४ का २२ वर्षका धनराज सुनार, सोही ठाउँका ७ वर्षीय बालक आरुष विक, वर्ष ४१ का राजकुमार विक, ५० वर्षकी देउमाया केसी घाइते भएका छन् ।
यसैगरी पोखरा (३३ खोलाखेतका ५८ वर्षका लक्ष्मण कामी, कार्कीतगराका ५० वर्षका लक्ष्मण सुनार, अन्नपूर्ण ४ सल्यानका ३३ वर्षका प्रकाश सुनार, वर्ष १४ की सोविसा सुनार, वर्ष २ का सुप्रिम सुनार पनि उक्त दुर्घटनामा घाइते भएका प्राप्त जानकारीमा उल्लेख छ ।
घाइतेमध्ये ४ जनाको अवस्था गम्भीर रहेको बताइएको छ । घाइतेको पोखरा स्वास्थ्य विज्ञान प्रतिष्ठान र मणिपाल शिक्षण अस्पतालमा उपचार भइरहेको प्रहरीले जनाएको छ ।
