अस्पतालबाट भने, ‘घरदैलोमा आउँन सकिन माफ गर्नुहोला’
पोखरा उद्योग वाणिज्य संघको अध्यक्ष पदमा वरिष्ठ उपाध्यक्ष गोकर्ण कार्कीले उम्मेदवारी मनोनयन दर्ता गराएका छन् । यहि महिनाको २८ र २९ गते हुन लागेको पोखरा उद्योग वाणिज्य संघको ३५ औं महाधिवशनमा उनले अस्वस्थताका बिच पोखरा ४ गैह्रापाटनस्थित संघको कार्यालयमा पुगि मनोनयन दर्ता गरेका हुन् । डेंगुका कारण फिस्टेल अस्पतालमा उपचारत कार्कीले मनोनयन दर्तासँगै व्यवसायिहरुसँग माफि मागेका छन् । व्यवसायिक बिच पुग्नुपर्नेै समयमा अस्पताल बस्नुपरेको भन्दै उनले माफि मागे । निको भएलगत्तै सकेसम्म सबैको घरदैलोमा पुग्ने कार्कीले बताए । संघमा हाल वरिष्ठ उपाध्यक्ष रहेका कार्कीले प्राकृतिक न्यायको सिद्धान्तले आफुलाई अध्यक्षको दाबेदार बनाएकाले पनि मनोनयन दिएको सुनाए ।

‘विरामी हुँदा हुँदै पनि म निरन्तर संघमा क्रियाशिल रहेकाले नेतृत्वमा पुग्नुपर्छ, अहिले म वरिष्ठ उपाध्यक्ष भएकाले प्राकृतिक न्यायको सिद्धान्त पालनको हिसाबले पनि अध्यक्ष पदमा मैले उम्मेदवारी मनोनयन दर्ता गराएको हुँ’ उनले भने, ‘व्यवसायि साथिहरुको समस्या बुझेको छु । नेतृत्वमा हुँदा धेरै समस्या समाधान गर्न सकिन्छ त्यसैले पनि आम व्यवसायिको मर्का बुझेर नै मैले अध्यक्ष पदमा उम्मेदवारी मनोनयन दर्ता गराएको छु ।’ केही दिन उपचारमा रहने र निको भएपश्चात सकेसम्म हेरक व्यवसायिको घरदैलोमा पुग्ने र स्वास्थ्यले साथ नदिउन्जेल भौतिक रुपमा नभइ सामाजिक सञ्जाल वा फोनमार्फत हरेक व्यवसायिकमाझ पुग्ने सुनाए ।
व्यवसायिको क्षेत्रमा ५५ सालमा संघको साधारण सदस्य रहेका उनी विभिन्न उपसमितिहरुमा रहँदै ७३ सालमा उद्योग उपाध्यक्ष २ कार्यकाल विताइसकेको छन् । यस्तै वरिष्ठ उपाध्यक्ष एक कार्यकाल कुशलता पूर्वक जिम्मेवारी पुरा गरेका छन् ।

सोही अनुभव र अन्य संघ संस्थाको अनुभवलाई समेत अब नेतृत्व तहमा बसेर पोखराको गर्विलो इतिहास बोकेको जेठो संस्था पोउवा संघलाई ्व्यवसायिहरुको सुख दुखमा साथ दिने, आइपरेका समस्या बारेमा दरिलो भएर काम गर्ने चाहाना भएको उनी सुनाउँछन । कार्की भाषण र बोलेर मात्रै काम हुन्छ भन्ने पक्षमा छैनन् । काम गर्ने स्वभावका उनी व्यवसायिमाझ निकै लोकप्रिय छन् । उपचारमा रहेका उनले अस्पतालबाटै आफुलाई यस अघि जसरी अध्यक्षमा एक पटक अमुल्य मत दिई नेतृत्वको जिम्मेवारी दिन सबै व्यवसायिमाझ अपिल समेत गरे ।
मिलनसार र शान्त स्वभावका कार्की मनोनयनका लागि पुग्दा संघका पदाधिकारीहरुले स्वास्थ्य लाभका कामना गरे । सोही क्रममा अर्का अध्यक्ष पदका उम्मेदवार अर्जुन पोखरेललाई समेत उनले शुभकामना दिदैँ मित्रभाव प्रकट गरे ।