बिहीबार एक कार्यक्रम गर्दै बुद्व विशाल बजार व्यापारिक एशोसियसनले नवनिर्वाचित उद्योग वाणिज्य संघका कार्यसमितिलाई बधाई तथा शुभकामना गरिएको छ ।

बुद्व विशाल बजार व्यापारिक एशोसियसनका मानार्थ सदस्य तथा सल्लाहकार केशव बहादुर खत्रीले पोखरा उद्योग वाणिज्य संघले गर्ने हरेक राम्रा कामको साथमा बुद्व विशाल बजार व्यापारिक एशोसियसन साथमा रहेको बताउदै उद्योग वाणिज्य संघले गर्ने नराम्रा कामको लागी एशोसियसनले खबरदारी पनि गर्ने बताए । खत्रीले व्यावसायमा पार्किङको समस्या रहेको हुनाले उद्योग वाणिज्य संघलाई सहजीकरण गर्दिनका लागी अनुरोध गरे ।

पोखरा उद्योग वाणिज्य संघका निर्वतमान अध्यक्ष पवन प्रजापतिले व्यावसायिका घर वहाल कर लगाएत विभिन्न करका समस्याहरू रहेको बताउदै यस बारेमा पोखरा महानगरपालिकासँग मिलेर काम गर्न संघलाई आग्रह गरे । प्रजापतिले बुद्व विशाल बजार व्यापारिक एशोसियसनले आफुलाई जुन सम्मान गरेको छ त्यसको लागी धन्यवाद दिदै व्यवसायीहरूलाई फुटेर हैन जुटेर काम गर्न आग्रह गरे ।

कार्यक्रममा पोखरा उद्योग वाणिज्य संघका नव निर्वाचित अध्यक्ष गोकर्ण कार्कीले आफ्नो जित सम्पुर्ण व्यवसायीको जित भएको बताउदै आफु सधै व्यवसायीको साथमा रहेको बताउदै व्यवसायीलाई परेको समस्या समाधान गर्न आफु चौबिसै घण्टा तयार रहेको बताए । कार्कीले व्यवसायीको हकहितका लागि नेपाल सरकार लगायत पोखरा महानगरपालिका साथै विभिन्न संघ संस्थासँग सहकार्य गर्दै काम गर्ने बताए ।

कार्यक्रमा पोखरा उद्योग वाणिज्य संघका निर्वतमान अध्यक्ष पवन प्रजापतिलाई सफलतापुर्वक कार्याकाल सम्पन्न गरेकोमा बुद्व विशाल बजार व्यापारिक एशोसियसनले सम्मान गरेको थियो ।

बुद्व विशाल बजार व्यापारिक एशोसियसनका अध्यक्ष ईन्द्रराज अर्यालको सभापतित्वमा भएको कार्यक्रममा एशोसियसनका उपाध्यक्ष बुद्वि बहादुर कुँवरले स्वागत मन्तव्य राखेका थिए भने कार्यक्रम सन्चालन एशोसियसनका सचिव थमन सिह गुरूङले गरेका थिए ।