गायत्री सामुदायिक सिकाई केन्द्र, घार्मीको सम्पन्न अधिवेशनले पुनः शोभामोहन पौडेलको अध्यक्षता नयाँ व्यवस्थापन मिति चयन गरेको छ।

केन्द्रको शनिबार सम्पन प्रथम अधिवेशनले उपाध्यक्षमा बैकुण्ठ पौडेल, कोषाध्यक्षमा कृष्णप्रसाद गौतम र सदस्यहरुमा नेत्र प्रसाद आले,माधव गौतम,शिव केसी,अनिता भट्टराई पौडेल,निशा सुनार र सदस्य सचिवमा पवित्रा पौडेल साथै आमन्त्रित सदस्यमा महेन्द्र माविका प्रअ बासुदेव पौडेल,विन्ध्यश्वरी माविका प्रअ श्रीराम आचार्य चयन भएका हुन्। केन्द्रको सल्लाहकारमा लेखनाथ लामिछाने र विष्णु अधिकारी रहनुभएको सदस्य सचिव पौडेलले जानकारी दिनुभयो। यसअघि अधिवेशनको उदघाटन गर्दै वडा सदस्य विकाश कुमार आचार्यले शैक्षिक र सामाजिक क्षेत्रका सिकाई गतिविधिलाई केन्द्रले समेट्दै अगाडी बढेकोमा खुशी व्यक्त गर्नुभयो। केन्द्रको विकास र विस्तारका लागि स्थानीय सरकारले सघाउने उहाँले बताउनुभयो।सो अवसरमा पुर्व विद्यालय निरीक्षक, शिक्षासेवी लेखनाथ लामिछानेलाई सम्मान गरिएको छ । लामिछानेलाई वडा सदस्य आचार्य, केन्द्रका अध्यक्ष शोभामोहन पौडेल र शिक्षा अधिकृत कृष्ण भण्डारीले सम्मान गर्नुभयो।

केन्द्रका अध्यक्ष शोभामोहन पौडेलको अध्यक्षतामा भएको कार्यक्रममा वरिष्ठ शिक्षा अधिकृत कृष्ण भण्डारी,वडा सदस्य कल्पना सुनार, विन्देश्वरी माविका प्रअ श्रीराम आचार्य,भुमे मैदान बहुद्देश्यीय समुहका उपाध्यक्ष डिल्लीराम पौडेल,भारती भवन माविका अध्यक्ष विष्णुप्रसाद अधिकारी लगायतले केन्द्रको गतिविधिको चर्चा गरेका थिए।

कार्यक्रममा वैकुण्ठ पौडेल र पवित्रा पौडेलले पेश गर्नुभएको प्रतिवेदन पारित गरिएको छ। सदस्य अनिता भट्टराई पौडेलले स्वागत गर्नु भएको कार्यक्रमको सञ्चालन सदस्य वैकुण्ठ पौडेलले गर्नुभएको थियो।