बलिउड नायक फरदीन खान आजकाल फिल्मी चकाचौंधबाट टाढा छन् तर एक समय यस्तो थियो जब उनले बलिउडमा स्टाइलिस हिरोको रुपमा एन्ट्री लिएका थिए । ८ मार्चमा फरदीन आफ्नो ४७ औं जन्मदिन बनाइरहेका छन् । फरदीन चर्चित अभिनेता फिरोज खानका छोरा हुन् । एक स्टारकिड हुनुको फाइदा उनले पनि पाए । उनका पिताले उनलाई बलिउडमा लञ्च गरे । यद्यपि, फरदीनले त्यो सफलता पाउन सकेनन् ।
केही समय अघि फरदीन खान सार्वजनिक रुपमा देखिँदा उनको तौल निकै बढेको थियो र उनको त्यो चार्म पनि गायब देखियो । मोटोपनाका कारण फरदीनको अत्यधिक मजाक पनि उडाइएको थियो । यद्यपि, एक समय यस्तो पनि थियो जब फरदीनको गुड लुकको चर्चा चारैतिर थियो ।
पछिल्लो समय फरदीन खान एकपटक पुनः लाइमलाइटमा आए । यसपटक लाइमलाइटमा आउनुको कारण उनको ट्रान्सफर्मेशन लुक रह्यो । उनलाई कास्टिङ डायरेक्टर मुकेश छाबडाको मुम्बई अफिस बाहिर देखियो । यतिबेला उनको लुक निकै फेरिएको थियो ।
९० को दशकमा फरदीन खानले फिल्म ‘प्रेम अगन’ बाट सुपरहिट डेब्यू गरेका थिए । पहिलो फिल्मका लागि फरदीनलाई फिल्मफेयरको बेस्ट डेब्यू अवार्ड दिइयो र उनको अभिनयको पनि प्रशंसा गरियो । त्यसपछि उनले थुप्रै फिल्ममा काम गरे जसमा ‘लव के लिए कुछ भी करेगा’, ‘ओम जय जगदीश’, ‘हे बेबी’, ‘जानशीं’ र ‘अल द बेस्ट’ जस्ता फिल्म समावेश छन् ।
फरदीन खानको लञ्चिङ फिल्म पनि निकै राम्रो भएको थियो । उनको चार्मिङ लुकले मानिसहरुको मनमा भिन्न स्थान ओगटेको थियो । सन् २००१ मा फरदीन ड्रग्स केसमा फसेका थिए । त्यसपछि उनको करियर बर्बाद भएको थियो ।
फरदीन खानः कुनै बेला चार्मिङ लुकका कारण दर्शकको मनमा गर्दथे राज, एक गल्तीले आफै बर्बाद गरिदिए आफ्नो करियर
फरदीन खानः कुनै बेला चार्मिङ लुकका कारण दर्शकको मनमा गर्दथे राज, एक गल्तीले आफै बर्बाद गरिदिए आफ्नो करियर
Advertisement
Advertisement
तपाईको प्रतिक्रिया
संबन्धित शिर्षकहरु
एन्फा अध्यक्षसहित चार जनाविरुद्ध मुद्दा चलाउन सीआईबीको सिफारिस
१०औँ राष्ट्रिय खेलकुद प्रतियोगिता मंसिर १६ देखि २९ गतेसम्म कर्णाली प्रदेशमा हुने
