पोखरा । पोखरा रंगशालामा जारी २४ औं आहा रारा पोखरा गोल्डकप शुक्रबार भएको खेलमा पाहुना टोली थन्डर बोल्ट नर्थ युनाईटेड भारत विजयी भएको छ ।
थन्डरबोल्टले संकटा फुटबल क्लबलाई ३–१ ले गोलले पराजित गर्दे अगामी यात्रा तय गरेको हो ।
खेलको १७ औं मिनेटमा संकटाका मनिष पौडेलले सुरुवाती गोल गरेका थिए । एग्रेसिभ खेल पस्केको संकटाले अग्रतालाई लामो समय टिकाउन सकेन ।
पाहुना टोलीका खेलाडीलाई संकटाका डिफेन्डरले डिबक्स भित्र फल गरे पछि खेलको ३५ औं मिनेटमा टालाले गोल गर्दे खेल बराबरी बनाएका थिए ।
खेलको ७७ औ मिनेटमा थन्डरको लागि किरण राईले दोस्रो गोल गरे । एन्ड्रिउले डिबक्स भित्रबाट दिएको बललाई राईले गोलमा परिणत गरेका थिए ।
संकटबाट छुटकारा पाउनको निम्ति एट्याकिङ खेलको पस्केको संकटाको लागि खेलको ८९ औं मिनेटमा आर्दश तमाङले मध्यभागबाट गरेको प्रहार गोलमा परिणत भएको थियो । उनले संकटाका गोलकिपर दिपकार्की अघि बढेको मौकाको फाइदा उठाउदै सिधै मध्यभागबाट प्रहार गरेको बल गोल भएको हो ।
आज भएको खेल पछि संकटा प्रतियोगिताबाटै बाहिरिएको छ । पाहुना टोली थन्डर भने माघ २९ गते मंगलबार उज्वेकिस्तानको ब्ल्याक बुल्स फुटबल क्लब संग भिड्ने छ । खेलको म्यान अफ दि म्याच थन्डरका टाला घोषित भए ।
फुटबल प्रतियोगितामा ३ विदेशीसहित १२ टिम सहभागी छन् । फागुन ३ मा हुने फाइनल विजेताले १२ लाख १ हजार र उपविजेताले ६ लाख १ हजार पुरस्कार प्राप्त गर्ने छ्न ।
