पोखरा – पोखरामा जारी दोस्रो संस्करणको केपी ओली कप टी – २० राष्ट्रिय क्रिकेट प्रतियोगितामा
डिफेन्डीब च्याम्पियन मधेश प्रदेश कर्णाली सामु निरीह बनेको छ ।
मदन भण्डारी स्पोट्र्स एकेडेमीको आयोजनामा पोखरा रंगशाला क्रिकेट मैदानमा जारी प्रतियोगिताको
समूह ।।।सी’ तर्फको पहिलो खेलमा कर्णाली एकेडेमीले मधेश प्रदेश क्रिकेटलाई १५ रनले
हराएको हो । प्रतिकुल मौसमका कारण ओभर घटाएर १७ मा झारिएको थियो ।
१४६ रनको विजयी लक्ष्य पछ्याएको मधेश प्रदेशले कुल १७ ओभरमा ६ विकेट गुमाउँदै १३० रनमा समेटियो
। मधेशका लागि दिपेश दासले सर्वाधिक ४५ रनको योगदान दिएपनी जित दिलाउन भने सकेनन् । उनले ३६
बलमा ३ चौका र ३ छक्का प्रहार गरे । अभिषेक कार्की २२ रनमा अविजित रहे उनले १४ बलमा २ चौका र १
छक्का प्रहार गरे । विशाल पटेल ५ रनमा अविजित रहे । रुपेश सिंहले १७, हरिशंकर शाह ७, विशाल शुस्लिब १२,
अरनिको यादव १४ रनमा आउट भए । ओपनर रोहन विक शुन्यमै पेभेलियन फर्किए ।

कर्णालीका लागि सुवास भण्डारी र दिपेन्द्र यादबले २–२, कृष्ण कार्किले १ मेडनसहित १ र अरुण ऐरिले १
विकेट लिए ।
टस जितेर ब्याटिब थालेको कर्णाली एकेडेमीले १७ ओभरमा १४५ रन बनाउदै अलआउट हुन पुग्यो ।
कर्णालीका लागि हिमांशु शाहिले सर्वाधिक ३८ रनको योगदान दिए । उनले ३१ बलमा २ चौका र ३ छक्का
प्रहार गरे । यस्तै विपिन शाहिले २४ रन जोडे । १६ बलमा उनले २ चौका र १ छक्का प्रहार गरे । राज प्रसाद
शाहले १६, अरुण ऐरि १३, कृष्ण कार्की ७, रविन्द्रजंग शाही ४ रनमा आउट भए । सुबास भण्डारी २ र
ओपनर अदित्य विक्रम शाह शुन्यमा आउट भए ।

मधेशका लागि रुपेश सिंहले ४ ओभरमा २५ रन खर्चेर सर्वाधिक ४ विकेट लिए । अभिषेक कार्कीले ३ तथा
विशाल पटेलले २ विकेट लिए भने प्रदिप पासवानले ४ ओभरमा १ मेडनसहित १ विकेट लिए । खेलको प्लेयर
अफ दि म्याच कर्णालीका हिमांशु शाह घोषित भए ।
मौसमकै कारण दोस्रो खेल रोकिदा हिमाल फ्रेन्ड्स क्रिकेट क्लबले लुम्बिनी खुकुरी क्रिकेटलाई
डकवर्थ–लुइस नियम (डीएल) मेथड अनुसार १३ रनले हराएको छ । वर्षाको कारण खेल हुन नसकेपछि डीएल
मेथडबाट हिमाल फ्रेन्ड्सले जित हासिल गरेको हो ।
त्यसअघि टस जितेर ब्याटिब थालेको हिमाल फ्रेन्ड्सले ११ ओभरमा ५ विकेट गुमाउँदै १०६ रन बनाएको
थियो । ओपनर ओपनर सुबोध ऐरी ४० रन बनाउँदै आउट भए । उनले २१ बलमा ४ चौका र ३ छक्का
प्रहार गरे । अभिनाष सिंह ५१ रनको अर्धशतकीय उत्कृष्ट पारी खेल्दै आउट भए । उनले ३१ बलमा ७
चौका, २ छक्का प्रहार गरे ।
आयुव चन्द ३, दिपक रोकाया ३, सन्दिप भण्डारी ५ रनमा आउट भए भने सुनम बुढाथोकी १ रनमा नटआउट
रहे । त्यसपछि वर्षाका कारण खेल रोकिएको थियो ।
उता लुम्बिनीका लागि रन्जित चौधरी सार्वधिक ३६ रनको अविजित पारी खेले । उनले २२ बलमा ३ चौका र
२ छक्का प्रहार गरे । सन्देश थापा १८, प्रज्वल थापा १०, ओपनर देव खनाल ३, तुलबहादुर थापा १ मोहम्मद
हुसेन ४ र अभिषेस गौतम ७ रनमा आउट भए । अजय कुमार चौहान शुन्यमा नटआउट रहे ।

यो खेल समेत  वर्षाका कारण रोकिन पुगेको थियो । हिमाल फे्रन्ड्सका लागि सुशिल रावल, मनसुन सिंह र अभिनाष बस्यालले
समान २÷२ विकेट लिदाँ दिपक रोकायाले १ विकेट लिएका थिए । प्रतियोगिताको आठौं दिन कर्णाली र
हिमाल फ्रेन्ड्स बिच पहिलो तथा मधेश र लुम्बिनीबिच दोस्रो खेल आयोजकले जनाएको छ ।