पथुम थानीस्थित थम्मासत रंगशालामा सोमबार सम्पन्न खेलमा नेपाल २–० ले पराजित भएको हो।
यसअघि शुक्रबार ‘क्लोज डोर’मा भएको अभ्यास खेलमा पनि नेपाल १–० ले पराजित भएको थियो।
पहिलो हाफमा थाइल्यान्डलाई गोलरहित बराबरीमा रोक्न नेपाल सफल भएको थियो। तर, ५९औं मिनेटमा
बल रोक्नेक्रममा नेपाली डिफेन्डर पूजा रानाले विपक्षी खेलाडीलाई फउल गरेकी थिइन्। प्राप्त फ्रिकिकलाई चात्चावान रोडथोङले करिब ३५ यार्डबाट सिधै जाली चुमाइन्।
७४औं मिनेटमा लामो क्रसमार्फत आएको बललाई डिक्सनजिकबाट पिचायतिदा मानोवाङ्गले जिरापुरानलाई दिएकी थिइन्। उक्त एअर बललाई जिरापुरानले सुन्दर तरिकाले फिनिसिङ गरिन्।
नेपालले यही जुन २९ देखि उज्वेकिस्तानमा महिला एसियन कप छनोट खेल्दैछ। सोही प्रतियोगिताको तयारीस्वरूप नेपालले थाइल्यान्डसँग एक मैत्रीपूर्ण र एक अभ्यास खेल खेलेको हो।
एएफसी एसिया कप छनोटमा नेपाल समूह ‘एफ’मा छ। यो समूहमा नेपाल र आयोजक राष्ट्र उज्वेकिस्तानसँगै लाओस र श्रीलंका पनि छन्।
