खेलको अन्त्यतिर इल्के गुन्डोगान र केभिन डि ब्रुयनाले गरेको गोलको मद्दतले एभर्टनलाई हराउँदै म्यानचेस्टर सिटी एफए कपको सेमिफाइनलमा प्रवेश गरेको छ । लगातार तेस्रो सिजन प्रतियोगिताको सेमिफाइनलमा पुगेको सिटीले यो सिजन चारवटा उपाधि जित्ने सम्भावनालाई कायम राखेको छ ।
कार्लो एन्चेलोटीको टोलीले उत्कृष्ट डिफेन्डिङ गर्दै सिटीलाई खेलको ८४ औँ मिनेटसम्म रोक्न सफल भएको थियो । पहिलो हाफमा त एभर्टन गोली नजिक पनि पुगेको थियो । तर, येरी मिनाको हेडरलाई लाइनबाट क्लियर गरिएको थियो ।
खेल अवधिभर नियन्त्रण बनाए पनि सिटीले गोलका अवसर भने सिर्जन गर्न सकिरहेको थिएन । पेप ग्वार्डिओलाले रियाद महारेज र डि ब्रुयनालाई मैदानमा प्रवेश गराएपछि मात्र एभर्टनको अनुशासित डिफेन्सलाई चिर्न सक्यो । खेल सकिन ६ मिनेट बाँकी छँदा गुन्डोगानले हेडमार्फत गोल गर्दै सिटीलाई अग्रता दिलाए । खेलको अन्तिम मिनेटमा डि ब्रुयनाले अर्को गोल थपे ।
सिटीले सबै प्रतियोगितामा आफ्ना पछिल्ला २६ मध्ये २५ वटा खेल जितेको छ । उता, एभर्टनले भने सिटीबिरुद्धका पछिल्ला सबै सात हारेको छ ।
उता, साउथ ह्याम्पटनले बोर्नेमाउथलाई हराउँदै प्रतियोगिताको सेमिफाइनलमा स्थान बनाउन सफल भएको छ । शनिबार भएको खेलमा साउथह्याम्पटन ३–० ले विजयी बन्यो ।
एभर्टनलाई हराउँदै म्यानचेस्टर सिटी एफए कपको सेमिफाइनलमा
एभर्टनलाई हराउँदै म्यानचेस्टर सिटी एफए कपको सेमिफाइनलमा
Advertisement
Advertisement
तपाईको प्रतिक्रिया
संबन्धित शिर्षकहरु
मिडिया कप फुटसल’को तयारी तीब्र, जुनसुकै जिल्लाका पत्रकार खेलाडीले प्रतियोगितामा सहभागिता जनाउन पाउने
तेस्रो रेवान पोखरा भेट्रान्स सिङ्गल एण्ड डबल्स टेनिस प्रतियोगिता सुरु
