कोरोना लकडाउन एक वर्ष पूरा भएको छ । थुप्रै सैलिब्रिटीका लागि यो निकै खराब अवस्था साबित भएको थियो । टीभीका थुप्रै कलाकारले लकडाउनका कारण काम पाएनन् जसका कारण उनीहरुले चरम आर्थिक अभावको सामना गर्नुपरेको थियो । कतिले मिडियामा आएर मद्दतका लागि गुहार लगाए त कतिले काम नभएका कारण आत्महत्या गरे भने कतिको बिरामी भएपछि उपचार गर्न नपाएर मृत्यु भयो ।
मनमीत ग्रेवालः
३२ वर्षका मनमीत ग्रेवालले १५ मेमा आत्महत्या गरेका थिए । मनमीतको आत्महत्याको कारण आर्थिक समस्या नै भएको बताइन्छ । आफ्नो पछिल्लो भुक्तानी नपाएका कारण उनले आत्महत्या गरेको बताइन्छ । उनका साथी मंजीत सिंहले एक कुराकानीमा केही दिन अघि मनमीतका साथीले पनि पङ्खामा झुण्डिएर आत्महत्या गरेको जानकारी दिए । उनी पनि आर्थिक समस्याले जेलिएका थिए । दुबैले विदेश यात्राका लागि ऋण लिएका थिए र उनीहरुले यसको भुक्तानी गर्न पाइरहेका थिएनन् । लकडाउन भएपछि मनमीत थप तनावमा थिए र उनले आत्महत्याजस्तो कदम उठाए ।
नुपूर अलंकारः
स्वरागिनी, यस प्यार को क्या नाम दूँ, दीया और बाती हम, अगेल जनम मोहे बिटिया ही कीजो र घरकी लक्ष्मी बेटियांजस्ता टीभी सिरियलमा काम गरिसकेकी नायिका नुपूर अलंकार पनि लकडाउनमा आर्थिक समस्यासँग जुधेको खबर आयो ।
उनकी साथी रेणुका शहाणेले एक फेसबुक पोस्टमा नुपूरलाई आर्थिक मद्दत गर्न अपिल गरेकी थिइन् । रेणुकाले नुपूरसँग आफ्नी बिरामी आमाको उपचार गर्नका लागि पैसा नभएको बताएकी थिइन् । उनको मद्दतका लागि अक्षय कुमार अगाडि आएका थिए । पछि नुपूरले अक्षयलाई मद्दतका लागि धन्यवाद भनेकी थिइन् ।
