तेस्रो स्थानमा रहेको लेस्टर सिटीलाई हराउँदै म्यान्चेस्टर सिटी अब प्रिमियर लिग उपाधिबाट मात्र चार जीत टाढा रहेको छ । बाँकी रहेका सात खेलबाट ११ अंक बटुले सिटीले चार सिजनमा तेस्रो पटक लिग उपाधि जित्नेछ ।
शनिबार भएको खेलमा सिटीले लेस्टरलाई २–० गोलले हरायो । सिटीलाई जीत दिलाउन बेन्जामिन मेन्डी र ग्याब्रियल जिसुसले खेलको दोस्रो हाफमा एक–एक गोल गरे । लिगमा घरेलु मैदानबाहिर सिटीको यो लगातार नवौँ जीत थियो ।
शीर्ष स्थानमा १७ अंकको अग्रता बनाएपछि सिटीका म्यानेजर पेप ग्वार्डिओलाले भने, ‘मलाई अरु प्रतियोगिताभन्दा प्रिमियर लिग धेरै मनपर्छ । हामी निकै नजिक छौँ, निकै नजिक । अहिले लिभरपुलसँग उपाधि छ । तर, त्यसलाई लिन हामी निकै नजिक पुगिसकेका छौँ ।
ग्वार्डिओलको टोलीले युरोपको शीर्ष पाँच लिगमध्ये सबै प्रतियोगितामा यो सिजन सबैभन्दा धेरै क्लिन सिट ९२८० र सबैभन्दा कम गोल ९२६० खाएको छ । अब सिटीले मंगलबार च्याम्पियन्स लिगमा बोरुसिया डर्टमण्डको सामना गर्नेछ ।
