तपाई धन सम्बन्धी समस्यालाई लिएर चिन्तित हुनुहुन्छ भने त्यसको कारण तपाईको घरमा रहेको वास्तु दोष हुनसक्छ।
यस्तो दोषबाट छुटकारा पाएर धन तथा सुख समृद्धिका लागि वास्तुशास्त्रका ६ कुराको ध्यान राख्नु पर्ने हुन्छ। ती ६ कुरा घरमा राख्दा धन सम्बन्धी समस्या हटेर जाने तथा पैसाको कमी कहिलै नहुने विश्वास गरिन्छ।
ध्यान राख्नुहोस् वास्तुका यी ६ कुरा
पानीले भरिएको जारको भाँडो
घरको उत्तर दिशामा पानीले भरिएको जार राख्नु शुभ मानिन्छ। यसो गर्दा घरमा पैसाको कमी हुँदैन्। जार छैन भने माटोको भाँडो राख्दा पनि शुभ मानिन्छ।
हनुमानको मूर्ति
घरको दक्षिण पश्चिम दिशामा भगवान हनुमानको पञ्चस्वरुप वाला मूर्ति वा तस्वीर राख्नुहोस्। नियमित रुपमा यसको पुजा गर्दा बास्तु दोष हट्ने शास्त्रमा उल्लेख छ।
लक्ष्मी कुबेरको तस्वीर
घरको मेन गेटमा देवी लक्ष्मी र कुबेर वा स्वस्तिक चिन्ह वा तस्वीर लगाउँदा घरमा कहिलै पैसाको कमी नहुने शास्त्रमा उल्लेख छ।
वास्तु देवताको मूर्ति
घरमा वास्तु देवताको मूर्ति वा तस्वीर राख्दा घरका सबै दोष हट्ने र घरमा कहिलै पैसाको कमी नहुने धार्मीक विश्वास छ।
घरमा पिरामिड राख्नु
घरको जुन ठाउँमा परिवारका सबै सदस्यले सबै भन्दा बढी समय विताउने गर्दछन्, त्यही स्थानमा चाँदी, पितल वा तामाको पिरामिड राख्नुहोस्। यसो गर्दा घरका सदस्यको आयमा वृद्धि हुने गर्दछ।
धातुको कछुवा वा माछा
घरमा धातुबाट बनेको कछुवा वा माछा राख्नु पनि शुभ मानिन्छ। यसो गर्दा घरमा आउने सबै समस्या हट्ने शास्त्रमा उल्लेख छ।
