लुम्बिनी प्रदेश सरकारले आज ९मंगलबार० आगामी वर्ष २०७८र७९ को लागि बजेट ल्याउँदै छ ।
कोरोना नियन्त्रण र थला परेको अर्थतन्त्रलाई उकास्ने गरी ल्याउन लागेको बजेटको आकार गत वर्षको भन्दा वृद्धि हुुने सरकारले बताएको छ । ३८ अर्ब हाराहारीको बजेट ल्याउने तयारी सरकारले गरेको छ । लुम्बिनी चालू आर्थिक वर्ष २०७७र७८ को लागि ३६ अर्ब ३५ करोड रूपैयाँ बराबरको बजेट ल्याएको थियो ।
आइतबार प्रदेश नीति तथा कार्यक्रम प्रदेशसभाबाट बहुमतले पारित भएसँगै सरकारलाई बजेट ल्याउने बाटो खुलेको हो । असार १ मा संवैधानिक रूपमा प्रदेशले बजेट ल्याउनुपर्ने व्यवस्था छ । मंगलबार दिउँसो ३ बजे प्रदेशसभामा आर्थिक मामिला तथा योजना मन्त्री बैजनाथ चौधरीले बजेट प्रस्तुत गर्नेछन् ।
तीन वर्षसम्म आर्थिक मन्त्रालयको जिम्मेवारी मुख्यमन्त्री शंकर पोखरेल सम्हाल्दै आएका थिए । नेकपा ९माओवादी केन्द्र० ले सरकारलाई दिएको समर्थन फिर्ता लिएपछि जनता समाजवादी पार्टीको सहयोगमा सरकार गठन गरेका उनले वैशाख १९ मा वैजनाथ चौधरीलाई आर्थिक मामिला तथा योजनामन्त्री बनाएका थिए ।
कोरोना नियन्त्रण, उपचार, स्वास्थ्य पूर्वाधार निर्माण र उत्पादनलाई प्राथमिकतामा राखेर बजेट ल्याउने तयारी गरिएको मन्त्री बैजनाथ चौधरीले बताए । गत वर्षदेखि नै कोरोना महामारीका कारण प्रभावित बजेट कार्यान्वयन यस पटक पनि त्यस्तै हुने देखिन्छ ।
कोरोना नियन्त्रणलाई केन्द्रमा राखेर बजेटको ठूलो हिस्सा त्यसैमा छुटाइएको मन्त्री चौधरीको भनाई छ । ‘गत वर्षको भन्दा बजेटको आकार केही मात्रामा बढेर आउनेछ,’ मन्त्री चौधरीले भने, ‘तर, यो पटक नयाँ योजना केही थपिने छैनन्, पूराना अधुरा योजनालाई पूरा गर्ने गरी बजेट आउनेछ ।’
