रियल मड्रिडका पूर्व कप्तान सर्जियो रामोस यतिबेला पेरिस सेन्ट जर्मेन पीएसजीको खेलाडी भइसकेका छन्।
३५ वर्षका रामोस आगामी दुई सिजन यसै क्लबमा रहनेछन्। रामोस पीएसजी गएसँगै पीएसजी थप बलियो भएको छ।
उनी रियल मड्रिडमा हुँदा उनले पीएसजीका केलिएन एमबाप्पे रियल मड्रिडमा आउनुपर्ने खेलाडी भएको बताउँथे।
तर, जब उनी पीएसजी आए उनले एमबाप्पे पीएसजीमै बसेको उत्तम हुने बताएका छन्।
उनले स्पेनिस संचार माध्यमहरुसँग एमबाप्पे, नेयमार र आफूले पीएसजीको लागि धेरै उपाधि दिनसक्ने पनि उल्लेख गरेका छन्।
उनी भन्छन्,‘म एमबाप्पेलाई मेरो टोलीबाट खेलेको देख्न चाहन्छु। तर कुनै पनि खेलाडीले आत्मनिर्णय गर्न पाउँछन्। हामी शानदार परियोजना भएको क्बल हो। उत्कृष्ट खेलाडीले कुनै एक विन्दुमा पुगेर रियल मड्रिडबाट पक्का खेल्नुपर्छ तर यो समय एमबाप्पे पीएसजीमै ठिक छन्।’
उनले रियल मड्रिडविरुद्ध गोल गरेको खण्डमा आफूले कहिल्यै खुशी नमनाउने पनि बताएका छन्। रामोसले सेभिया फुटबल क्लबबाट ला लिगाको २००३–४ सिजनमा डेब्यू गरेका थिए।
युवो एकेडेमीबाट सिनियरमा डेब्यू गरेका रामोसले अर्को वर्ष रियलमा पुगेका थिए। पहिला राइट डिफेन्डर भए पनि उनले पछि सेन्टर डिफेन्समा गएका थिए। पछिल्ला १९ वर्षमा उनी रियलका उत्कृष्ट डिफेन्डर सावित भएका छन्।
