नेपालका लागि होन्डा मोटरसाइकल तथा स्कुटरको अधिकारिक विक्रेता स्याकार ट्रेडिङ कम्पनीले होन्डाको सिबी ३५० आरएस नेपाली बजारमा सार्वजनिक गरेको छ । नेपालमा होन्डा सिबी मोडलका बाइकहरूले एक विशेष पहिचान बनाएको कम्पनीको जिकिर छ ।
आकर्षक रेट्रो लुक्स मन पराउने सम्पूर्ण बाइक पारखीहरूका लागि निर्मित बाइकमा ३५० सिसीको इन्जिन छ । मोर्डन फिचरहरू रहेको बाइक सिंगल टोनमा प्रिसियस ब्ल्याक विथ पर्ल स्पोर्टस् एलो र रेडिएन्ट रेड मेटालिक गरी २ कलरमा उपलब्ध छ । एड्भान्स डिजिटल एनालग मिटर, डुएल च्यानल एबिएस साइड स्ट्यान्ड इन्डिकेटर, इन्जिन स्टार्ट र अफ स्विच, डिस्ट्यान्स टू एम्प्टी, एभरेज माइलेज र रियल टाइम माइलेज यसका विशेषता हुन् । नेपाली बजारमा सिबी ३५० आरएसको मूल्य ७ लाख ७५ हजार तोकिएको छ ।
