कोरोना संक्रमित भई पोखराका अस्पतालमा उपचाररत थप तीन जनाको उपचारकै क्रममा मृत्यु भएको छ ।
गण्डकी प्रदेश स्वास्थ्य निर्देशनालय पोखराका अनुसार कोरोना संक्रमण पुष्टि भई पोखरा स्वास्थ्य विज्ञान प्रतिष्ठान र चरक मेमोरिय अस्पतालमा उपचाररत तीन पुरुषको मृत्यु भएको छ ।
निर्देशनालयका अनुसार मृत्यु हुनेहरुमा कास्कीको पोखरा १६ का ५८ वर्षीय पुरुष पोखरा २६ का ७३ वर्षीय पुरुष र गोरखाको पालुङटारका ७३ वर्षीय पुरुष रहेका छन् ।
यससँगै गण्डकी प्रदेशमा कोरोना संक्रमणबाट मृत्यु हुनेको संख्या एक हजार ९९ पुगेको छ ।
