लुम्बिनी प्रदेशकी सांसद विमला वलीले वाइसीएल कार्यकर्ता एकराज बस्नेतलाई चुम्बन गरिरहेको तस्बिर सामाजिक संजालमा भाइरल बनिरहेको छ।
उक्त तस्बिर बस्नेतकै फेसवुकबाट सार्वजनिक भएको थियो । तस्बिरमा सांसद विमलाले बस्नेतको गालामा चुम्बन गरेको देखिन्छ । तस्बिर भने बस्नेतले सेल्फी लिए जस्तो देखिन्छ । तस्बिरमा विमलाको सिउँदोमा सिन्दुरले रंगिएको देखिन्छ ।
विमला एमाले सांसद स्वर्गीय उत्तरकुमार वलीकी पत्नी हुन् । उत्तरको दुर्घटनामा निधन भएपछि बिधवा बनेकी विमलालाई उत्तरको निर्वाचन क्षेत्र दाङ निर्वाचन क्षेत्र नम्बर ३ झखञ मा तत्कालीन नेकपाले उमेदवार बनाएको थियोे ।
काँग्रेस नेता केशव आचार्यलाई पराजित गर्दै विमला सांसद बनेकी थिइन । लुम्बिनी प्रदेशमा एमालेको सरकार ढाल्न निर्णायक बनेकी विमला कहिले माओवादी त कहिले एमाले बनेर चर्चामा छिन् ।
यसअघि बस्नेत सँग विमलाको अनैतिक सम्बन्ध भएको चर्चा हुँदै आएको थियोे । बस्नेतले नै विमलालाई माओवादी बनाएको चर्चा समेत चलेको थियोे ।
बस्नेतले उक्त तस्बिर कसले कसरी आफ्नो फेसवुकमा राख्यो भन्ने बिषयमा अनभिज्ञ भएको प्रतिक्रिया दिए । यो तस्बिर कसरी मेरो फेसवुकमा पोस्ट भयो मलाई थाहाँ छैन् । बस्नेतले भने,यसबारेमा भेटेर कुरा गरौला ।
यसबिषयमा सांसद विमलासँग प्रतिक्रिया लिन खोज्दा उनीसँग पटकपटकको सम्पर्क गर्ने प्रयास सफल हुन सकेन । बस्नेत विवाहित हुन् । बस्नेतको फेसवुक स्टोरीमा पोस्ट भएको तस्बिर अहिले भने हटाइएको छ ।
