कास्की प्रहरीले लागु औषधसहित एक व्यक्तिलाई पक्राउ गरेको छ।
मंगलबार साँझ अन्दाजी ५ बजेको समयमा पोखरा महानगरपालिका वडा नं (९ पृथ्बीचोक बसपार्क नजिकै शिव टोलबाट एक जनालाई पक्राउ गरेको हो।
पक्राउ पर्नेमा सोही स्थान निवासी ३३ वर्षीय सूर्य बहादुर गुरुङ रहेका छन्
विशेष सूचनाका आधारमा खटिएको प्रहरीको टोलीले गुरुङको घर तथा शरिर चेकजाँच गर्दा अवैध लागुऔषध नुर्फिन १११ एम्पुल, फेनारगन १११ एम्पुल र डाईजेपाम १११ एम्पुल गरी जम्मा ३३३ एम्पुल लागु औषध फेला पारेको वडा प्रहरी कार्यालय रामबजारले जनाएको छ।
पक्राउ परेका गुरुङलाई थप कारवाहीका लागि जिल्ला प्रहरी कार्यालय पठाइएको जनाइएको छ।
पछिल्ला दिनमा कास्की प्रहरीले लागु औषधका कारोवारी तथा प्रयोगकर्तालाई दैनिकजसो पक्राउ गरिरहे पनि यसमा संग्लग्नहरुको संख्यामा भने कमी आएको देखिंदैन।
