कञ्चनपुरमा “पत्रकार हुँ “भन्दै पैसा असुलेको आरोपमा प्रहरीले कन्चनपुरको महेन्द्रनगरबाट दुईजनालाई पक्राउ गरेको छ।

आफूलाई नाइस टेलिभिजनको रिपोर्टर बताउने गोविन्द विसी र सन्तोष भट्टलाई प्रहरीले पक्राउ गरेको हो। उनीहरुले महेन्द्रनगरको साई मोवाइल केयरका स’ञ्चालक अवदेश श्रीवास्तवलाई धम्काएर २५ हजार रुपैयाँ लिएको आरोप प्रहरीले लगाएको छ।
उनीहरुले साई मोवाइल केयरका सञ्चालक अवदेश श्रीवास्तवसंग २५ हजार रुपियाँ रकम असुलेको भिडियो फुटेज पनि सार्वजनिक भएको छ। उनीहरुले मो’वाईल ग्यालरीबाट पैसा मात्र नभै दुई ओटा पावर बैंक समेत लगेका बताइएको छ। व्यापारीको गुनासोपछि सोधपुछका लागि दुबै जनालाई प्रहरी कार्यालयमा ल्याइएको जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक सिद्धराज न्यौपानेले जानकारी दिए।

उनीहरुले मोवाइल पसल दर्ता बिना चलाएको भन्दै दुई लाखबाट बार्गेनिङ गरेर २५ हजार नगद र दुई वटा पावर बैंक लगेको व्यापारीले बताएका छन्। भारतको वनवासाका श्रीवास्तवले नेपाली केटीसँग विहे गरेर श्रीमतीको नाममा मोवाइल पसल दर्ता गरेर चलाउँदै आएका भए पनि उनीहरुले भारतीय नागरिकको नाममा पसल दर्ता गर्न नमिल्ने भनेर रकम असुलेको बुझिएको छ।

https://www.facebook.com/watch/?v=4904982726183932

बुधबार साँझ करीव ६ बजे महेन्द्रनगरको ४ नम्बर गल्लीस्थित साई मोबाईल केयरमा गएका विसी र भट्टले करीव एक घण्टासम्म पसलमा बसेर बार्गेनिङ्ग गरेका थिए । उनीहरुले बा’र्गेनिङ्ग सहित रकम लिएको सिसिटिभि क्यामेरामा कैद भएको छ । पसल सञ्चालक अवदेश श्री वास्तवका अनुसार गोविन्दले पहिला मो’वाईलको सामान चाहिएको भन्दै फोनमा कुराकानी गरेको थिए ।

बेलुका पल्सर बाईकमा पुगेका विसि र भट्टले आफुलाई पत्रकार बताउदै पसल दर्ताको विषयलाई कुरा उठाएका थिए । श्रीवा’स्तव भारतको बनवासा निवासी व्य’पारी हुन । उनले कैलालीको सुख्खडबाट भागरथी धामीसंग विवाह गरेका छन ।

उनले श्रीमतीकै नामबाट साई मोबाईल केयर दर्ता गरी सञ्चालन गर्दै आएका छन्। ‘बिहान मोवाईलको सामान चाहियो भनेर कुराकानी गरेका थिए, श्रीवास्तवले भने, साँझ पत्रकार हुँ भन्दै दुई ओटा पावर बैंक र २५ हजार नगद रकम लिएर गए सं’ञ्चालक श्रीवास्तवले भने । उनीहरुले श्री वास्तवसंग श्रीमतीको नाममा पसल स’ञ्चालन गर्न नपाउने भन्दै दुई लाख रुपैयाबाट बार्गेनिङ्ग गरेका थिए । ‘ श्री वास्तवले भने, तैले यसरी श्रीमतीको नाममा पसल सञ्चालन गर्न पाउदैनस, तेरो पसल अव सिज गर्छौ भन्दै धम्क्याएर पैसा असुले ।

श्रीवास्तवले दुई लाख रुपैया दिन नसक्ने बताएपछि दुई वटा पावर बैंक र २५ हजार रुपैया लिएको बताए । वीसीले बुधबार साँझ महेन्द्रनगरको साई मोबाईल केयरमा गएको स्वीकार गरेपनि आफूले पैसा नलिएको बताए । उनले भट्ट र श्रीवास्तवका बीचमा भएको कुरा आफूलाई त्यस सम्बन्धमा जानकारी नभएको बताए । तर सीसी टी’भी फुटेजमा वीसीले श्रीवास्तवसंग बार्गेनिङ्ग गरेको देखिन्छ । तर रकम लिने बेला उनी बाहिर निस्किन्छन । रकम भट्टले गनेर झोलामा हालेको सी’सी टी’भी फुटेजमा देखिन्छ ।

श्रीवास्तवले आफूसंग पैसा नभएपछि अरुसंग सापटी मागेर बीसी र भट्टलाई दिएको बताएका छन् । यो दृ’ष्य पनि सीसीटी’भीमा कैद भएको छ । नाईस टेलिभिजन डिस होमको १५७ नंम्बरमा आउने र आफ्नो अफिस अत्तरियामा रहेको विसिले बताए ।

बीसीको समूहले यसअघि कैलालीको मसुरीया बजारमा एक औषधी पसलेसंगै यसैगरी बार्गेनिङ्ग गरी रकम असुलेका थिए । पछि त्यो कुरा बाहिर आएपछि रकम फिर्ता गरेका थिए । बीसीले आफू पत्रकार र भट्ट व्यापारी रहेको बताए ।