पोखरामा जारी राष्ट्रिय ए डिभिजन फुटसल लिगमा सोमबार जित हातपार्दै स्पोट्र्स क्यासलले अन्तिम ४ मा आफ्नो स्थान सुरक्षित गर्ने निश्चित गरेको छ । पोखरा रंगशाला बहुउदेश्यीय कभर्डहल स्थित फुटसल कोर्टमा मछिन्द्र स्काइ गोल्सलाई ८–३ गोल अन्तरले पाखा लगाउँदै क्यासलले ४ खेल अगावै अन्तिम ४ मा स्थान बनाउँन सहज देखिएको छ । १० टिमको सहभागिता रहेको लिगमा २ टिम रेलिगेसनमा पर्नेछन् । क्यासल अन्तिम ८ मा भने प्रवेश गरिसकेको छ । क्यासलले ५ खेलमा १ खेल बराबरी खेलेको छ भने ४ खेलमा जित हात पारेको छ । क्यासलको ५ खेलबाट १३ अंक रहेको छ । क्यासल लिग तालिकाको शिर्षस्थानमा उक्लिएको छ । यस्तै पोखराकै अर्को टिक सविन मेमोरियल तालिकाको दोस्रो स्थानमा रहेको छ । सविनको ४ खेलबाट ९ अंक रहेको छ । राइजि क्लब धरानको पनि ४ खेलबाट समान ९ अंक रहेको छ । गोल आधारमा राइजिङ तेस्रो स्थानमा रहेको छ ।
सोमबार नै भएको अर्को खेलमा फुटसल ५ धरानले झरना स्पोट्र्स क्लबलाई ९–५ ले हराउँदै पाँचौ स्थानमा उक्लिएको छ । झरना भने तालिकाको पुछारमा रहेको छ । हारसंगै झरनाको रेलिगेसनमा पर्ने करिब करिब पक्का नै छ । झरनाको मात्र १ अंक रहेको छ । झरनाले अबका ४ खेलमा जित हात नपारे लिग चरणबाटै बाहिरिनेछ ।
अर्को खेलमा प्रभातफेरी युथ क्लबले लुम्बिनी फुटसललाई ६–१ गोल अन्तरले हराएको छ । प्रभातफेरी सातौँ स्थानमा उक्लिएको छ ।
स्पोट्र्स क्यासलले अन्तिम ४ मा स्थान सुरक्षित गर्ने निश्चित
स्पोट्र्स क्यासलले अन्तिम ४ मा स्थान सुरक्षित गर्ने निश्चित
Advertisement
Advertisement
तपाईको प्रतिक्रिया
संबन्धित शिर्षकहरु
युनाइटेड क्लबको १७ औं साधारण सभा तथा आठौं अधिवेशन सम्पन्न अध्यक्षमा गणेश तिमिल्सिना
राष्ट्रिय साहित्य महोत्सव आगामी मंसिरको पहिलो साता आयोजना हुने
