किलियान एम्बाप्पेको विवादित गोलको मद्दतले फ्रान्सले स्पेनलाई हराउँदै यूईएफए नेसन्स लिगको उपाधिमाथि कब्जा जमाउन सफल भएको छ । आइतबार राति भएको खेलमा फ्रान्सले एक गोलले पछि परेको स्थितिलाई उल्टाउँदै २–१ को जीत हासिल गरेको हो ।
खेलको ६४ औँ मिनेटमा मिकेल ओयारजबालको गोलको मद्दतले स्पेनले खेलमा अग्रता लिएको थियो । तर, लगत्तै करिम बेन्जेमा शानदार गोल गर्दै खेल बराबरी गरे । खेलको ८० औँ मिनेटमा एम्बाप्पेले निर्णायक गोल गर्दै फ्रान्सलाई जीत दिलाए । तर, गोलअघि एम्बाप्पे अफसाइड पोजिसनमा रहेको भन्दै विवाद भइरहेको छ ।
उता, इटालीले पनि बेल्जियमलाई समान २–१ गोल अन्तरले हराउँदै प्रतियोगितामा तेस्रो स्थान हासिल गर्न सफल रह्यो । इटालीलाई जीत दिलाउन दोस्रो हाफको शुरुवातमा नै निकोलो बरेलाले पहिलो गोल गरे भने डोमेनिको बेरार्डीले पेनाल्टीबाट इटालीको अग्रता दोब्बर बनाए ।
खेलको अन्त्यतिर चार्ल्स डी केटेलायरले एक गोल फर्काउनअघि बेल्जियमा तीनवटा प्रहार पोष्टमा लाग्न पुगेको थियो । त्यसपछि बेल्जियमले बराबरी गोलका लागि प्रयास गरे पनि त्यो सफल हुन सकेन ।
एम्बाप्पेको विवादित गोलको मद्दतले फ्रान्सले स्पेनलाई हरायाे
एम्बाप्पेको विवादित गोलको मद्दतले फ्रान्सले स्पेनलाई हरायाे
Advertisement
Advertisement
तपाईको प्रतिक्रिया
संबन्धित शिर्षकहरु
युनाइटेड क्लबको १७ औं साधारण सभा तथा आठौं अधिवेशन सम्पन्न अध्यक्षमा गणेश तिमिल्सिना
राष्ट्रिय साहित्य महोत्सव आगामी मंसिरको पहिलो साता आयोजना हुने
