बसन्त शेर्पा पाेखरा । पोखरा महानगरपालिका वडा नं २९ पटनेरीको खरबारी पाखोमा एकजना पुरुषको शव फेला परेको छ ।
असोज ३१ गते बिहानको अन्दाजी ९ बजेको समयमा नामथर उमेर वतन समेत नखुलेको वर्ण गहुँ गोरो, चुच्चो नाक, कपाल छोटो ९खुईलो टाउको, उचाई ५ फिट २ ईन्च, बायाँ हातमा कान्छी औंला नजिक ३ वटा स्टारको ट्याटु र सोही हातको नाडीमा चिलको जस्तो चित्र भएको ट्याटु खोपेको, हरियो रंगको ट्रयाक, कालो जाँगे, कालो ज्याकेट लगाएको अन्दाजी वर्ष ३० र ३२ को जस्तो देखिने हुलिया भएको पुरुष मानिस मृत अबस्थामा फेला परेको प्रहरीले जानकारी दिएको छ ।
यस स्थानमा पुरुषको शव फेला परको भन्ने जानकारी प्राप्त हुन् साथ् ईलाका प्रहरी कार्यालय शिसुवा डाँडाकोनाक कास्कीबाट अनुसन्धान टोली घटनास्थलमा पुगेको र प्रारम्भिक अनुसन्धान पश्चात उक्त लास पोष्टमार्टमको लागी पश्चिम क्षेत्रीय अस्पताल गण्डकी पोखरामा ल्याई राखिएको र लासको हालसम्म सनाखत हुन नसकेको हुँदा कोही आफन्त वा चिनजानको व्यक्ति भएको शंका लागेमा सम्पर्कमा आउनु हुन् जिल्ला प्रहरी कार्यालय कास्कीका प्रवक्ता सुवास हमालले जानकारी दिएका छन् ।
नोटसतस्विर हेर्न र थप जानकारीको लागि जिल्ला प्रहरी कार्यालय कास्कीको पेजमा हेर्नुहोला ।
