पौडी खेल्ने क्रममा डुबेर पोखरामा एक भारतिय युवकको मृत्यु भएको छ ।
पोखरा महानगरपालिका वडा नं – १७ पावरहाउस स्थित फुस्रेखोलामा पौडी खेल्ने क्रममा डुबेर भारतको राजस्थान घर भइ हाल गण्डकी मेडिकल कलेजमा प्रथम वर्षमा अध्ययनरत २२ वर्षीय विश्वास पुनीको मृत्यु भएको प्रदेश प्रहरी कार्यालय पोखराले जनाएको छ।
पौडी खेल्दाखेल्दै अचानक डुबेर बेपत्ता भएको जानकारी पश्चात पुगेको प्रहरीको टोलीले खोजी गर्ने क्रममा अन्दाजी १० मिटर तल गहिराइबाट उद्धार गरी उपचारका लागि गण्डकी मेडिकल कलेज लगिएकोमा अस्पतालले मृत्यु पुष्टि गरेको हो।
हाल घटनाका सम्बन्धमा आवश्यक अनुसन्धान भैरहेको प्रहरीले जनाएको छ ।
