निर्देशक आनन्द एल रायद्वारा बनाइएको फिल्म ‘अतरंगी रे’ विवादमा आएको छ ।
धनुष, सारा अली खान र अक्षय कुमार स्टारर यो फिल्मलाई एकातिर दर्शकले असाध्यै मन पराइरहेका छन् भने अर्कोतर्फ यसलाई मानिसले प्रतिबन्ध गर्नुपर्ने माग उठाइरहेका छन् । ट्वीटरमा ‘बोयकट अतरंगी रे’ ट्रेन्ड भइरहेको छ । यो ट्रेन्डमा सोसल मिडियाको एउटा हिस्साले फिल्मलाई ‘हिन्दुफोबिक’ बताइरहेका छन् ।
फिल्म अतरंगी रे को कहानी, बिहारमा बस्ने रिंकू सूर्यवंशी सारा अली खान को वरिपरि घुम्छ । रिंकू बारम्बार घरबाट भाग्दा उनका परिवारका सदस्य तनावमा छन्, त्यसैले उनको विवाह एउटा तमिल ब्राह्मण विशू ९धनुष० सँग जबर्जस्ती गराइन्छ । विशू पनि यो विवाह गर्न चाहँदैनथे किनभने उनको जीवनमा अर्कै कोही छ र उनको पनि विवाह हुँदैछ । यसका साथै रिंकू एक जादुगरसँग प्रेम गर्थिन् जसको नाम सज्जाद अली खान अक्षय कुमार हो ।
ट्वीटर प्रयोगकर्तालाई यसमा समस्याः
सोसल मिडियामा बोयकट अतरंगी रे ट्रेन्ड भइरहेको छ । प्रयोगकर्ताका ट्वीट्सका अनुसार केही मानिसका अनुसार फिल्ममा लभ जेहादमात्रै देखाईको मात्रै छैन हिन्दू धर्मको अपमान पनि गरिएको छ । केही सोसल मिडिया प्रयोगकर्ताका अनुसार हिन्दू महिला, एक मुस्लिमको प्रेममा देखाइएको छ, यस्तो फिल्मबाट समाजमा यही मेसेज जानेछ ।
