रौतहटमा सुत्केरी गराउन प्राथमिक स्वास्थ्य केन्द्र गंगापिपरा पुगेकी एक महिलाको योनीद्वारमै सियो भाँच्चिएर हराएको घटना सार्वजनिक भएको छ।

रौतहटको दुर्गा भगवती गाउँपालिका वडा नम्वर १ गंगापिपराका जितेन्द्र महतोको १९ वर्षीया श्रीमती अम्बिका महतोको गर्भबाट अपरेसन गरेर नबजात शिशु निकाले पछि योनीद्वार सिलाउने क्रममा सियो भाँच्चिएर भित्रै हराएको थियो। सुत्केरी व्यथाले च्यापेपछि उनका आफन्तले अम्बिकालाई आइतबार अबेर राति १२ बजे प्राथमिक स्वास्थ्य केन्द्र गंगापिपरा लगेका थिए।

महिलाको गर्भमा ठूलो बच्चा रहेको कारण विहान ४ बजे प्राथमिक स्वास्थ्य केन्द्रमा कार्यरत चिकित्सकहरुले इपी रिटर ९योनीको तल्लो भागमा ब्लेड०ले चिरेर बच्चा जन्माएका थिए।

गंगा पिपरा प्राथमिक स्वास्थ्य केन्द्रका प्रमुख चिकित्सक संजितकुमार साहको अनुपस्थितिमा कार्यरत दुई जना स्टाफ नर्सले मिनी भ्याकुम अर्थात ब्लेडले मुखलाई काटेपछि नवजात छोरीको जन्म गराउन सफल भएका थिए। बच्चाको जन्म भएपछि काटिएको योनीको मुखलाई सिलाउँदा सियो भाँच्चिएर भित्रै हराएको थियो। करिब एक घन्टासम्म प्राथमिक स्वास्थ्य केन्द्रका नर्सले हराएको सियो खोजविन गर्दा पनि फेला पार्न सकेनन्।

सियो चुँडिएपछि आवश्यक उपकरणको अभावमा प्राथमिक स्वास्थय केन्द्रमा झिक्न नसक्दा असाध्यै पीडाबाट छट्पटिरहेको महिलालाई एम्बुलेसन्सबाट सोमबार विहान ६ बजेको समयमा चन्द्रपुर अस्पताल पुर्‍याइएको थियो।

पिडित महिला अम्बिकाका श्रीमान जितेन्द्र महतोका अनुसार, चन्द्रपुर अस्पतालका चिकित्सकको टोलीले निकै मिहिनेत गरेर प्रविधिको सहयोगबाट हराएको सियोको टुप्पो फेला पारेर निकाल्न सफल भएको थियो।

चन्द्रपुर अस्पतालका प्रमुख डा। सुभाष चौधरीले योनीद्वारमा चुँडिएको सियोलाई सकुशल बाहिर निकालेपछि सुत्करी महिला महतो अहिले राम्रो अवस्थामा रहेको बताएका छन्। नबजात शिशुको टाउको ठूलो भएको हुँदा बाहिर निस्कँदा महिला असाध्यै पीडा खेप्नु पर्यो, त्यसमा पनि योनीद्वारमा सियोको कारण पीडा हुनु स्वभाविकै भएको उनले बताएका छन्।

बच्चा जन्माउने क्रममा चिकित्सकबाट कुनै त्रुटि नभएको र अपरेसनपछि पनि सम्बन्धित चिकित्सकले राम्रो प्रयास गरेको भए पनि सिलाउने क्रममा सियो भाँच्चिनुमा चिकित्सकको कुनै गल्ती नभएको बताइएको छ। सुत्केरी गराउनमा संलग्न दुवै चिकित्सकले राम्रो प्रयास गरेको देखिएको तर प्रविधिले धोका दिएको मात्र देखिएको चन्द्रपुर अस्पतालको भनाइ छ।

राति गराइएको सुत्केरी र नवजात शिशु दुवैको अवस्था सामान्य रहेको चन्द्रपुर अस्पतालले जनाएको छ।