डिपिएल नेपालको दोश्रो राष्ट्रिय अधिवेशन पोखरामा सम्पन्न, अध्यक्षमा संदिप न्यौपाने
पोखरा । डायनामिक पब्लिक लाइब्रेरी ९डिपिएल० नेपालको दोश्रो राष्ट्रिय अधिवेशन पोखरामा सम्पन्न भएको छ । अधिवेशनबाट संदिप न्यौपानेको अध्यक्षतामा नयाँ राष्ट्रिय समिति चयन भएको हो ।
नयाँ समितिको उपाध्यक्षमा प्रदिप शर्मा बराल, महिला उपाध्यक्षमा लक्ष्मी न्यौपाने, महासचिवमा प्रविन पाठक र कोषाध्यक्षमा रुदिना भट्टराई चयन भएका छन् ।
त्यस्तै सदस्यमा शिव पराजुली, सरोज गुरागाँई, आशिष न्यौपाने चयन भएका छन् । समितिका अन्य सदस्यहरु पछि मनोनित गरिने डिपिएलले जनाएको छ । त्यसैगरि अधिवेशनले कानुनी सल्लाहकारमा राजिब खनाललाई चयन गरेको छ ।
यसअघि भएको कार्यक्रमको कार्यक्रममा गण्डकी प्रदेशका मुख्यमन्त्री कृष्णचन्द्र नेपाली पोखरेल, सामाजिक अभियन्ता कर्ण शाक्य, महेश दाहाल, सुभाष चन्द्र भट्टराई, मानवअधिकारकर्मी मुस्कान खातुन, डिपिएलका संस्थापक अध्यक्ष भेषराज न्यौपानेलगाएतको उपस्थिति रहेको थियो ।
डिपिएल २०२१ का अध्यक्ष बिनोद उप्रेतीको अध्यक्षतामा सम्पन्न कार्यक्रममो स्वागत मन्तव्य डिपिएल युथ बोर्ड गण्डकीका अध्यक्ष बसन्त गिरीले राखेका थिए । त्यस्तै कार्यक्रमको सञ्चालन सुशिल नेपालीले गरेका थिए ।
डिपिएल नेपाल पूर्वी नेपाल झापाको दमक नगरपालिकामा ९ वर्ष अघि स्थापना भएको संस्था हो । हाल यस संस्थामा नेपालभरि ७ हजार सदस्य रहेका छन् । डिपिएलले उद्यमशिलता, बहस, कला, साहित्य, लेखनशिप, वक्तित्वकला, नेतृत्व विकास, शिप विकासजस्ता कार्यक्रमबाट नेपालभरि युवा वर्गलाई लाभ दिइरहेको छ ।
