अख्तियारले मालपोत कार्यालय ताप्लेजुङका प्रमुख लेखा अधिकृत पनेरु महतलाई १ लाख ५० हजार घुससहित पक्राउ गरेको छ ।
अख्तियारको टोलीले आईतबार उनलाई सेवाग्राहीबाट लिएको उक्त घुससहित नियन्त्रणमा लिएको हो ।बाबुको नामको जग्गा दाखेल खारेज गरी नयाँ लगत दर्ता सहित छोराका नाममा पास गरिदिए बापत सेवाग्राहीबाट घुस लिएकी थिइन् ।
उनलाई अख्तियारको केन्द्रीय कार्यालयबाट खटिएको टोलीले पक्राउ गरेको जनाइएको छ ।जिल्लाको फक्ताङ्लुङ गाउँपालिका ७ की एक सेवाग्राहीको अंशियारबी भागबण्डा भइसकेको जग्गा दाखिला खारेज गरि दर्ता गर्ने कामका लागि पनेरुले घुस लिएकी थिइन् ।
उनले फुङ्लिङ वडा नं, ४ को कोप्चेलाइनको एक घरबाट सेवाग्राहीबाट लिएको उक्त रकम सहित नियन्त्रणमा लिएको अख्तियारले जनाएको छ ।पनेरु महत यही बैशाख १ गते राष्ट्रपति विद्यादेवी भण्डारीमार्फत उत्कृष्ट राष्ट्र सेवकको सम्मानबाट विभूषित भएकी थिइन् ।
