काठमाडौं। कबड्डी चलचित्र सेरिजको अन्तिम फिल्म ‘कबड्डी ४–द फाइनल म्याच’लाई नेपाली दर्शकहरुले बेग्र रुपमा प्रतिक्षा गरिरहेका छन्।
असफल प्रेमी काजीको भूमिकामा दयाहाङ राईलाई कबड्डी सेरिजमा खुबै रुचाइएको छ।
अन्तिम चलचित्रमा काजीले प्रेमी पाउँछन् कि पाउँदैन्, उनको बिहे हुन्छ कि हुँदैन भन्ने दर्शकहरुको जिज्ञासा छ। तर जिज्ञासा मेट्न भने चलचित्र नै हेर्नुपर्ने हुन्छ।
यो चलचित्र आगामी जेठ १३ मा नेपालभर प्रदर्शन हुँदैछ। यस चलचित्रको ट्रेलर पनि यतिबेला सार्वजनिक भइसकेको छ।
तर चलचित्र रिलिज हुन अगावै यो चलचित्रले आफ्नो लगानी उठाउन सफल भएको छ। फिल्मको लगानी झण्डै तीन करोड रुपैयाँ रहेको छ।
निर्माता मणिराम पोखरेल यस विषयमा भन्छन्,‘विदेश बिक्रीबापत प्राप्त दुई करोड र डिजिटल राइटसहित हामीले लगानी सुरक्षित गरेका छौं।’
उनका अनुसार युरोप, अमेरिका, अष्ट्रेलिया, बेलायत, न्युजिल्याण्ड, हङकङ, जापान र भारतमा राइट बिक्री भइसकेको छ।
यस चलचित्रको ट्रेलरमा दयाहाङ राई, मिरुना मगर र सौगात मल्लको ट्रांगल लभ स्टोरी देखाइएको छ।
