प्रेम पुन,पोखरामा पुन समाज नेपालको आयोजनामा संसारकै अग्लो हिमाल सगरमाथामा पुन जातीको पहिलो महिला आरोही दिया पुन तथा स्थानिय निकायका निर्वाचित जनप्रतिनिधीहरुलाई सम्मान गरिएको छ ।
पोखराको रामघाटमा रहेको पुन समाजको समाजघरमा भएको कार्यक्रममा पुनसमाज नेपालको अध्यक्ष भिम पुनको अध्यक्षाता रहेको थियो भने प्रमुख अतिथीमा नेपाल जनजाती महासंघका अध्यक्ष चन्द्रसिंह कुलुङ्ग रहेका थिए ।
त्यस्तै सम्मान ग्रहण गर्दै सगरमाथा आरोही दिया पुनले आफुलाई सम्मान गरेकोमा आभार प्रकट गरेकी छन् । यस सम्मान कार्यक्रमले आफ्नो समाजको लागि केही गर्नलाई थप उर्जा मिलेको र आफुले पुनसमाजको झण्डा सगरमाथामा फहराउंदा निकै खुसी लागेको बताएकी छन् । साथै उनले कार्यक्रममा आफ्नो मन्तव्य राख्दै आगमी दिनमा पनि समाजको लागि साथ् सहयोग रहने प्रतिबद्ता व्यक्त गरेकी छन् ।
आज सम्पन्न कार्यक्रममा अन्नपुर्ण गांउपालिका म्याग्दीका प्रमुख भरत पुन, उपप्रमुख दिवा पुनले शुभकामना मन्तव्य राख्नुभएको थियो । साथ् साथै कार्यक्रमको भव्य सफलताको कामना गर्दै प्रमुख अतिथी नेपाल जनजाती महासंघका अध्यक्ष चन्द्रसिंह कुलुङ्गले आगामी दिनमा पनि सबै समाजका सदस्यहरु एक जुट भएर लाग्नुपर्नेमा जोड दिएका छन् ।
उक्त कार्यक्रम पुन समाज नेपालको महासचिव खिमन पुनले सञ्चालन गरेका थिए ।
